Zəngilanlı aktyor: "İlk dəfədir var olduğumu hiss edirəm"

Zəngilanlı aktyor: "İlk dəfədir var olduğumu hiss edirəm"
20 oktyabr 2020
# 16:33

“İlk dəfədir ağlaya-ağlaya gülürəm, danışa-danışa susuram.”

Kulis.az xəbər verir ki, bu fikri əslən Zəngilan şəhərindən olan tanınmış aktyor Bəhruz Vaqifoğlu bildirib. O Zəngilanın işğaldan azad olunması xəbərinə bu sözlərlə reaksiya verib:

"İlk dəfədir özümə sahib çıxa bilmirəm. İlk dəfədir ağlaya-ağlaya gülürəm, danışa-danışa susuram. İlk dəfədir nəfəsim tikə kimi ilişib qalır boğazımda. İlk dəfədir gözlərimin bu qədər yol çəkdiyini görürəm. İlk dəfədir bir yaranın 30 illik qaysağının qanadığın görürəm. Sanki hər şey, hər şey ilk dəfədir... Budaqdan asılmış son payız yarpağı qədər kövrək, son ümid qədər saf, Tanrı qədər tək, Peyğəmbər qədər müqəddəs hiss edirəm özümü. İlk dəfədir bu qədər sevirəm. İlk dəfədir bu qədər qürur duyuram. İlk dəfədir bu qədər dua edirəm. İlk dəfədir var olduğumu hiss edirəm. Bütün hislərim, bütün varlığım alıb aparır məni. Çöl düzündə, gün altında yuxu görər kimiyəm. Yarı diri, yarı ölü kimiyəm. Mən özündə olmayan, sahibsiz ruh kimiyəm. İlk dəfədir özümə sahib çıxa bilmirəm.”

Qeyd edək ki, bu gün Azərbaycanın şanlı ordusu Zəngilanı erməni işğalından azad edib.

Xatırladaq ki, Zəngilan şəhəri 1993-cü il oktyabr ayının 29-da Ermənistan ordusu tərəfindən işğal olunmuşdu. Füzuli və Cəbrayıl rayonları işğal olunduqdan sonra zəngilanlılar 67 gün tam mühasirə şəraitində ermənilərlə vuruşub.

# 4374 dəfə oxunub

Oxşar xəbərlər

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
Emir Kusturitsa: "Putinlə söhbət  mənim üçün böyük yaradıcılıq ilhamı oldu"

Emir Kusturitsa: "Putinlə söhbət mənim üçün böyük yaradıcılıq ilhamı oldu"

11:57 21 noyabr 2026
Xalq rəssamının oğlu vəfat etdi

Xalq rəssamının oğlu vəfat etdi

11:27 21 noyabr 2026
#
#
Ana səhifə Reels Yazarlar Xəbərlər