“Kitab gözəl bir şeydir. Sadədəcə kitaba qədər olan məsələlər bir az dolaşıqdır. Misal üçün, ədəbi mühit. Boş qab çox səs-küy edir. Yəqin boşluğumuz var. Səs-küy çoxdur.”
Bu sözləri Bakı Kitab Satış-Sərgisinə fəxri qonaq kimi dəvət edilən Xalq yazıçısı Mövlud Süleymanlı Kulis.az-a açıqlama verərkən söyləyib. O, daha sonra əlavə edib:
“Bir neçə gün qabaq Anım günü keçirdik, o, xeyli təmizlədi bizi. Mən belə hiss edirəm bir yazan adam kimi. İnşallah qələbənin təmiz ruhu kitab mühitinə də gəlib çıxacaq. O ruh təmizləyəcək bizi. Yaxşıya yaxşı deyəcəyik, pisə-pis. Ən böyük qələbələrdən biri də budur. Harda ki, pisə pis deyirlər, yaxşıya yaxşı o yerdə gözəlliklər olacaq”.
Mövlud Süleymanlı yaradıcılığından da söz açıb:
“İndi heç nə yaza bilmirəm. Gözüm imkan vermir. Neçə ildir yazmıram. Yazdıqlarımı oxuyuram. Müəllif kimi yox, oxucu kimi oxuyuram. Səhvlərimi axtarıram. Şükürlər olsun ki, çox da səhvlərə rast gəlmirəm. Başqa bir dövlətdə də olsam elə o cür yazardım. Sovetdə necə yazmışamsa, elə.”
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər