Erməni ordusunun Ağdamı döyüşsüz təhvil verəcəyi günə bir gün qaldı. O yerlərin həsrəti ilə yaşayan minlərlə insanın 27 illik həsrətinə sabah son qoyulur.

Ağdamda doğulan, böyüyən Xalq artisti, professor Arif Babayev də ömrünün ən xoşbəxt illərini o torpaqlarda yaşayıb. Hazırda həkim nəzarətində olan Xalq artisti ilə əlaqə saxlayıb sevincini bölüşdük. Səsi həyəcanlı gəldi:

“Ağdam mənim doğulduğum, böyüdüyüm torpaqdır. Arzusunda olduğum torpaqdır. Həmişə fikirləşirdim ki, görəsən, mən Ağdama bir də nə vaxtsa qayıda biləcəyəm?”

A.Babayev daha sonra bu möhtəşəm qələbədə zəhməti keçənlərin adını çəkdi:

“Sağ olsun ölkə başçımız. Qarabağ uğrunda döyüşən əsgərlərin, şəhid olan övladlarımızın qarşısında baş əyirəm. Bu qələbəni onların qanı bahasına əldə etmişik. Ağdamda doğulan bir adam kimi yadıma ömrümün ən xoşbəxt çağları, uşaqlıq illərim düşür. Heç inamım yox idi bir də o yerləri görəcəyim günə. Mənim bu dünyada Qarabağdan böyük dərdim yox idi. Ən böyük arzularımdan biri bu idi. Ölkəmizin başçısı sağ olsun, Qarabağı alıb bizə verdi. Amma Ağdama borclu qaldım. Demişdim, azad olunduğu gün dizin-dizin sürünəcəm, ancaq belə oldu ki, səhhətim imkan vermədi. Allahıma şükürlər olsun, ölmədən bu günü gördüm.”

• Nəyə lazım hamı bilə, sevirəm səni - Balaş Azəroğlu
• Sənin gözlərinin dərinliyində... - Əliağa Kürçaylı
• Milli Dram Teatrında “Kral Lir”in premyerası oldu