Amerikalı aktyor Kevin Spacey əmindir ki, iyunun sonunda Londonda keçirilməsi planlaşdırılan məhkəmə prosesi başa çatdıqdan sonra o, aktyorluq karyerasını bərpa edə biləcək.
Kulis.az xəbər verir ki, o, bu barədə çərşənbə günü Almaniyanın "Die Zeit" jurnalına verdiyi müsahibədə bildirib
Qeyd edək ki, aktyor 2001-2013-cü illər arasında bir neçə kişiyə qarşı cinsi təcavüzdə ittiham olunur.
2017-ci ildə aktyor Entoni Rapp onu təxminən 30 il əvvəl baş verdiyi iddia edilən cinsi qısnamada ittiham etdikdən sonra Speysi çox böyük təzyiqlərlə üzləşib. Daha sonra 30-a yaxın şəxs də oxşar ittihamlarla çıxış edib. Qalmaqal səbəbindən Speysi işsiz qalıb.
2022-ci ilin oktyabrında Speysi Rappla bağlı cinsi qısnama işində Nyu-York münsiflər heyəti tərəfindən təqsirli bilinməyib. Münsiflər heyəti belə nəticəyə gəlib ki, 1986-cı ildə Speysinin o zaman 14 yaşı olan Rappa qarşı etdiyi hərəkətlər cinsi xarakter daşımır və buna görə də uşaqlara təcavüz qanununa daxil ola bilməz.
Xatırladaq ki, aktyor "Usual suspects" və "American beauty" filmləri ilə "Ən yaxşı aktyor" nominasiyasında Oskar mükafatı qazanıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər