Müğənni və aktrisa Cennifer Lopes səhnədə və tədbirlərdə “həddindən artıq açıq geyinməsi" ilə bağlı tənqidlərə münasibət bildirib.
Kulis.az xəbər verir ki, "New York Post"un yazdığına görə, Lopes bu cür şərhləri gülməli hesab etdiyini və istədiyi kimi geyinməyin onun şəxsi haqqı olduğunu deyib.
O, insanların yaşına və görünüşünə görə qadınları məhdudlaşdırmağa çalışmasını düzgün saymadığını vurğulayıb.
Sənətçi bildirib ki, özünü yaxşı hiss etdiyi və səhnədə azad olduğu tərz ona ilham verir.
Qeyd edək ki, Cennifer Lopes uzun illərdir musiqi və kino sahəsində aktiv fəaliyyəti ilə yanaşı, fərdi üslubu ilə də gündəmdə qalır.