Məşhur komediya ustası Cem Yılmazın “CMXXIV” adlı stənd ap şousu 31 dekabr 2025-ci il axşamı rəqəmsal platformada yayımlandı. Tamaşaçılar tərəfindən maraqla qarşılanan proqramda səslənən bəzi zarafatlar isə sosial mediada ciddi müzakirələrə səbəb oldu.
Kulis.az xəbər verir ki, şousunun bir hissəsində şəxsi həyatından danışan Cem Yılmaz uzun müddətdir qadınlarla münasibət yaşamadığını deyib:
“Uzun zamandır qadınlarla vaxt keçirmirəm. Düşmən deyiləm, amma həqiqətən çox çətindir. O münasibəti necə aparırsınız, çox maraqlıdır. Bu yaşdan sonra mən çox problem yaşayıram.”
Bundan sonra səsləndirdiyi “38 yaşında biri ilə görüşəndə ‘tapdı cavanın’ deyirlər. 38… ölmək üzrə” ifadəsi sosial şəbəkələrdə reaksiyalara yol açıb. Bir çox qadın istifadəçi bu zarafatı alçaldıcı hesab edərək aktyoru tənqid edib.
Bununla yanaşı, Cem Yılmazın şousunu bəyənən və deyilənlərin sırf yumor olduğunu vurğulayanlar da az olmadı.
Müzakirələrə məşhur müğənni İrem Derici də qoşulub. Sosial media hesabında paylaşım edən Derici Cem Yılmazı müdafiə edib:
“38 yaşındayam və formadayam. Heç vaxt olmadığım qədər enerjiliyəm və həyatdan nə istədiyimi bilirəm. Baxdım və mənə mənfi təsir etmədi, çünki bu yumordur. Buna ilişdiniz? Gedin Rii Corviz, Deyv Şapel, Kevin Hart izləyin. Cem Yılmazın tayı-bərabəri yoxdur, xəbəriniz olsun.”
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər