Cəlal Şəngörə "ensiklopedik cahil" deyənlər

Cəlal Şəngörə "ensiklopedik cahil" deyənlər
14 oktyabr 2023
# 11:00

Kulis.az Aqşin Yeniseyin yeni yazısını təqdim edir.

Fransızların “Asteriks və Obeliks” filmində bir səhnə var; sehrli iksirdən içən Asterikslə Obeliksin bir zərbə ilə şil-küt etdiyi Roma əsgərlərinin mitilini qocalıb sklete dönmüş bir qall ağsaqqalı çəliyi ilə döyəcləyir.

Bu səhnə düşmənə nifrətin şiddətini göstəməklə yanaşı, zəifin mübarizənin hansı yerində olduğunu nişan verən bir səhnədir.

Bəzən intellekti cəmiyyətimizin düşüncəsindən qat-qat yüksəkdə olan insanlarımız xalqın sıravi heyətinin onların yazısında, nitqində gözdən qaçan elementar səhvləri bağışlamadığından gileylənirlər. Bunu özlərinə qarşı haqsızlıq kimi dəyərləndirirlər.

Bu gileylənmə bizim zəka sahiblərinin uzun müddət xalqdan nə qədər uzaq düşməsinin, xalqla münasibətlərə hazır olmamasının nəticəsidir.

Xalqın arasında yaşayıb kahin olmaq mümkün deyil.

Hətta gücünü yetim-yesirdən alan kommunist sistemlər belə onların arasından seçdiyi savadlı, bilikli adamlardan akademik bir Olimp zirvəsi yaratmışdı.

Bolşevizm özünün Yazıçılar Birliyini, Bəstəkarlar İttifaqını, Milli Elmlər Akademiyasını yaradanda şumer kahinlərinin Zikkurat məbədi təcrübəsinə əsaslanırdı.

Xalqı öz balalarına itaət etdirməkdən ötrü onları bütləşdirmək lazım idi.

Azərbaycan xalqı yetmiş il büt olmayan övladına fərsiz övlad kimi baxıb.

Bu gün büt olmaqdan imtina edib xalqın arasına enən hər bir ağıılı adam özü öz sehrini dağıtdığı üçün peşman olmamalıdır. Dünyadakı nümunələrə baxmalıdır.

Məsələn, Cəlal Şəngör kimi bilgi xəzinəsi ilə türk xalqının münasibətlərinə baxmalıdır. Xalqın sıravi heyətinin onun haqqında danışdığı, yazdığı çərənləmələrə göz atmalıdır.

Şəngör kimi bilgi küpünə “ensiklopedik cahil” deyən, “ensiklopediya” və “cahil” kimi daban-dabana zidd anlayışlardan özünə sınıq-salxaq çəlik düzəldib təsadüfi səhvlərin mitilinə döşəyən o zəif gücdən inciməməlidir.

Asteriks və Obeliks xalqın arasına enən sehrli gücə sahib qall tanrıları idi.

Xalqın arasına enən tanrı öz müqəddəsliyinə hamıdan əvvəl özü tüpürür.

# 3723 dəfə oxunub

Oxşar xəbərlər

Cim Kerrinin yeni layihəsinin detalları açıqlandı

Cim Kerrinin yeni layihəsinin detalları açıqlandı

10:23 19 noyabr 2026
Ömrün Naxçıvan aşırımları - Xalq yazıçısı Mirzə İbrahimovun muxtar respublikada fəaliyyəti nədən ibarət idi?

Ömrün Naxçıvan aşırımları - Xalq yazıçısı Mirzə İbrahimovun muxtar respublikada fəaliyyəti nədən ibarət idi?

10:00 19 noyabr 2026
Marina Abramoviçin  80 illiyinə həsr olunan böyük sərgi Romada açıldı

Marina Abramoviçin 80 illiyinə həsr olunan böyük sərgi Romada açıldı

18:39 18 noyabr 2026
ADU-da  “Azərbaycan-Özbək dili əlaqələri: tarixi və müasir müstəvidə”  adlı tədbir keçirildi

ADU-da “Azərbaycan-Özbək dili əlaqələri: tarixi və müasir müstəvidə” adlı tədbir keçirildi

17:42 18 noyabr 2026
Kembric Lüğəti 2026-cı ilin sözünü seçdi - "Human" nə deməkdir?

Kembric Lüğəti 2026-cı ilin sözünü seçdi - "Human" nə deməkdir?

17:19 18 noyabr 2026
Parfenonun itmiş heykəltəraşlıq kompozisiyası yenidən quruldu

Parfenonun itmiş heykəltəraşlıq kompozisiyası yenidən quruldu

16:46 18 noyabr 2026
Ana səhifə Reels Yazarlar Xəbərlər