#

Canəli Əkbərovun xatirə gecəsi keçirildi

Canəli Əkbərovun xatirə gecəsi keçirildi
10 mart 2022
# 09:42

Martın 9-da Beynəlxalq Muğam Mərkəzində Xalq artisti Canəli Əkbərovun xatirə gecəsi keçirilib.

Kulis.az xəbər verir ki, tədbir iştirakçıları əvvəlcə xanəndə Canəli Əkbərovun ifasının lentə alındığı videoya baxıblar.

Əməkdar artist Azad Şükürov bildirib ki, bu təşəbbüs Azərbaycan Dövlət Mədəniyyət və İncəsənət Universitetinin Muğam kafedrasının müdiri Xalq artisti Teyyub Aslanov tərəfindən irəli sürülüb: “O zaman Canəli sağ idi. Təəssüf ki, bu tədbir onun sağlığında keçirilmədi. Bir yerdə çalışdığımız, acılı-şirinli günləri keçirdiyimiz insanları unutmamalıyıq. Canəli Əkbərov ömrünü Azərbaycan musiqisinin inkişafına həsr edən sənətkarlardan olub”.

Tədbirdə qeyd olunub ki, Canəli Əkbərov milli xanəndəlik məktəbinin nailiyyətlərini layiqincə davam etdirib və Azərbaycanın musiqi mədəniyyəti xəzinəsinə töhfələr verib. Sələflərinin yaradıcılıq ənənələrinə sadiqlik və muğamın klassik ifa tərzinin qorunub saxlanması onun altmış ildən artıq müddət ərzindəki fəaliyyətinin başlıca qayəsini təşkil edib. Canəli Əkbərovun ifasında səslənən “Orta mahur”, “Çahargah”, “Arazbarı”, “Heyratı” və digər qədim muğamlarımız, bir çox təsniflər və xalq mahnıları, həmçinin muğam operalarında yaratdığı partiyalar Azərbaycan musiqi mədəniyyətinin inciləri sırasında özünəməxsus yer tutur.

Gecədə Xalq artistləri Teyyub Aslanov, Gülyaz Məmmədova, Əməkdar artistlər Ruzə İbişova və Bəsti Sevdiyeva çıxış edib, “Ay qəşəng Ceyran”, “Bayatı-Şiraz”, “Mahur”, “Şahnaz” təsnifləri, Leyli və Məcnun operasından görüş səhnəsi, Aşıq Qərib operasından “Ayrılıq səhnəsi”nə aid partiyalar ifa olunub.

Qeyd edək ki, Canəli Əkbərov milli musiqi mədəniyyətinin inkişafı sahəsində nailiyyətlərinə görə 2000-ci ildə “Şöhrət”, 2010-cu ildə “Şərəf” və 2020-ci ildə 1-ci dərəcəli “Əmək” ordenləri ilə təltif edilib.

# 1371 dəfə oxunub

Oxşar xəbərlər

"Kitabi Dədə Qorqud və qeyri-səlis məntiq"  kitabı təqdim olunacaq

"Kitabi Dədə Qorqud və qeyri-səlis məntiq" kitabı təqdim olunacaq

17:33 1 oktyabr 2024
Firudin Məhərrəmovun 65 illik yubiley tədbiri keçirildi

Firudin Məhərrəmovun 65 illik yubiley tədbiri keçirildi

16:56 1 oktyabr 2024
Mədəniyyət komitəsinin üzvləri açıqlandı

Mədəniyyət komitəsinin üzvləri açıqlandı

16:33 1 oktyabr 2024
Polad Bülbüloğlunun yerinə kim təyin edildi? - Sərəncam

Polad Bülbüloğlunun yerinə kim təyin edildi? - Sərəncam

16:12 1 oktyabr 2024
Xurşidbanu Natəvan yaradıcılığı İrlandiya mətbuatında

Xurşidbanu Natəvan yaradıcılığı İrlandiya mətbuatında

15:34 1 oktyabr 2024
"Zirzəmi quşu"nun müəllifi  Bakıya gəlir

"Zirzəmi quşu"nun müəllifi Bakıya gəlir

15:32 1 oktyabr 2024
#
#
# # #