"Biz Qismət Rüstəmovla yox, İlahə Əkbərlə işləmişik. O vaxtlar heç bir nəşriyyat öz hesabına kitab nəşr etməyəndə “Qanun” nəşriyyatının “Birinci kitab” və “Ən yeni ədəbiyyat” layihələrində Qismətin kitablarını buraxmışıq. Bununla belə, İlahə Əkbər nəşriyyatımızda frilans tərcüməçi işləyir. İmkanımız olanda İlahə xanıma küllü miqdarda qonorar vermişik; vaxtında və vaxtından əvvəl".

Bu sözləri "Qanun" nəşriyyatının direktoru Şahbaz Xuduoğlu Kulis.az-a açıqlamasında deyib.

O, bu işlə birbaşa məşğul olmadığını bildirib:

"Bu işə müsahibatlıq baxır, eyni zamanda tərcüməçilərlə işləyən koordinatorumuz var. Hansılarına qonarar ödənilməlidirsə, koordinator hər ay o tərcüməçilərin siyahısını verir. Və mühasibatlıq onu ödəyir. Başa düşmək lazımdır ki, yay aylarında gecikmələr olur və hər ilin yay aylarında belə böhran baş verir. Bu barədə tərcüməçilərə əvvəldən məlumat göndərilir. Məlumatda deyilir ki, yubanmalar, gecikmələr olacaq. Onlar, adətən, bununla ikinci iş kimi məşğul olduqlarından gecikmələrə normal yanaşırlar. Ancaq illər boyu vaxtında qonarar alıb, birdən gecikməylə bağlı alov püskürmək də, məncə, düzgün deyil.

Bu həyatda narazı olan iki adam var, onlardan biri Qismət Rüstəmovdur, digəri Sevil Gültən. Onları hara, kiminlə işləməyə yollasan, sonda narazı qalacaqlar. O cümlədən, Sevil Gültən də hər yerdən qovulanda, mən onu tərcüməçi kimi “Qanun” nəşriyyatına cəlb eləmişəm. Ancaq başa düşmüşəm ki, Sevil xanımla işləmək mümkün deyildir. Bu iki ad hər şeydən narazıdırlar.

"Bakı Beynəlxalq Kitab Sərgisi"nin başlamasını gözləyirik ki, qonorarları verək. Bu il parklarda sərgilərin olmasına icazə ala bilmədik. Adətən, tərcüməçilər qonorarlarını gəlib sərgidən götürürdülər. Bu il ona imkan olmadı".

• Kütləvi isteriyadakı cəmiyyətimiz... - Aygün Kazımovadan ötrü ağlayan kişilər kimdir?
• Rüstəm Dastanoğlunun əsəri "Ədəbi Gürcüstan"ın yeni sayında
• "Keçmişin boz şirəsi bütün sənətkarlığı məhv edir..." - Con Eşberidən sitatlar