Bu gün dünyaşöhrətli musiqiçi, XX əsrin ən böyük violonçel ifaçısı Mstislav Rostropoviçin anadan olmasından 98 il ötür.

Kulis.az xəbər verir ki, Prezident İlham Əliyevin müvafiq Sərəncamı ilə dünyaşöhrətli musiqiçi, SSRİ Xalq artisti Mstislav Rostropoviçin anadan olmasının 90 illiyi Azərbaycanda dövlət səviyyəsində qeyd edilib.

Mstislav Leopoldoviç Rostropoviç 1927-ci il martın 27-də Bakıda dünyaya gəlib. O, dörd yaşında ikən anasından fortepianoda, on yaşında isə atası, tanınmış violonçel ifaçısı Leopold Rostropoviçdən bu alətdə çalmağı öyrənib.

Mstislav Rostropoviç 16 yaşı olanda Moskva Konservatoriyasına qəbul olunub və orada fortepiano, violonçel ifaçılığı ilə yanaşı, dirijorluq və bəstəkarlıq ixtisaslarına da yiyələnib.

Gənc Mstislav Rostropoviç ilk violonçel konsertini 1942-ci ildə verib.

Dünyaşöhrətli musiqiçi "Heydər Əliyev" ordeninə, Fransanın "Şərəf Legionu" ordeninə, müxtəlif universitetlərin fəxri doktoru adına və digər mükafatlara layiq görülüb.

2002-ci il martın 4-də Bakıda dahi sənətkarın ev-muzeyi açılıb.

Qeyd edək ki, Mstislav Rostropoviç 2007-ci il aprelin 27-də Moskvada vəfat edib.

• APA TV-də yeni layihə: KimsəBizlər - İnternat hekayələri
• Kamal Abdulla: "Azdramada baş verənlər məni narahat edir" - Müsahibə
• Bakıda Qətər Mədəniyyəti Günləri