2025-cü il ədəbiyyat üzrə Nobel mükafatının qalibi macar yazıçı Laslo Krasnahorkai oldu.

Bəs Laslo Krasnahorkai kimdir və bu mükafata hansı əsərlərinə görə layiq görülüb?

Kulis.az yeni Nobel mükafatçısı, yazıçı Laslo Krasnahorkai haqqında məlumatları təqdim edir.

Krasnahorkai 1954-cü ildə sosial təminat üzrə ekspert Julia Palinkas və hüquqşünas Dyord Krasnahorkainin ailəsində anadan olub. 1973-1976-cı illərdə Yozef Attila Universitetində hüquq təhsili alıb. Universitet illərində "Qondolat Könivkiado" adlı nəşriyyatda çalışıb.

***

1985-ci ildə ilk romanı "Şeytan tanqosu" nəşr olundu. Kitabın uğuru sayəsində o, tez bir zamanda macar ədəbiyyatının ən mühüm nümayəndələrindən birinə çevrildi. 1987-ci ildə o, ilk dəfə kommunist rejimi tərəfindən idarə olunan ölkəsinin hüdudlarından kənara - Qərbi Berlinə səyahət etdi. Orada bir il qaldıqdan sonra bir müddət Qərbi Avropada, ilk növbədə, Fransa və İspaniyada yaşadı.

***

Onun ikinci romanı "Müqavimətin kədəri" Almaniyada böyük uğur əldə edib. Müəllif "Bestenliste" mükafatını qazanıb. 1990-cı illərin əvvəllərində ilk dəfə Çin, Yaponiya və Monqolustanda olunan müəllif sonrakı əsərlərində Uzaq Şərq fəlsəfəsindən təsirlənib.

***

O, məşhur macar rejissor Bela Tarr ilə çox yaxın dostdur. Krasnahorkai rejissorun demək olar ki, bütün filmlərinin ssenarilərini yazıb. 1988-ci ildə "İttiham" filmi ilə başlayan bu əməkdaşlıq 2011-ci ildə "Turin atı" filminə qədər davam edib.

***

Ən məşhur əsərləri bunlardır:

"Şeytan tanqosu"

"Müqavimətin kədəri"

Müharibə və müharibə

"Seyobo buradan keçdi"

"Baron Venkxaym evə qayıdır"

“Hersht – 07769"

Turin atı

***

Görkəmli rejissor Bela Tarr yazıçının "Turin atı" romanı əsasında eyniadlı film çəkib.

• "The Wicker Man" filminin pərdəarxası
• Huma quşu əfsanəsi - Reyhan Yusifqızının hekayəsi
• Mumiyaların üzərinə yerləşdirilən Fəyyum portretləri nümayiş olunur