Cənubi Koreyanın "BTS" pop qrupu yeni "Asiya" kateqoriyasının yaradılması səbəbindən 2027-ci ildə keçiriləcək "Qremmi" ("Grammy") musiqi mükafatlarının təqdimetmə mərasimində iştirak etməkdən imtina edib.

Kulis.az xəbər verir ki, qrup üzvləri bununla bağlı "Instagram" hesablarında açıqlama yayımlayıblar.

"Biz bu il "Qremmi" mükafatına namizədliyimizi irəli sürməmək qərarına gəldik. Ümid edirik ki, musiqimiz bölgələrə və ya dillərə bölünmədən, olduğu kimi dinləniləcək və seviləcək", – deyə sənətçilərin bəyanatında bildirilir.

Bir neçə ay əvvəl "Qremmi" mükafatını təqdim edən Amerika Milli Səsyazma Sənəti və Elmləri Akademiyası (NARAS) "Ən yaxşı Asiya pop musiqisi ifası" adlı yeni kateqoriya təqdim etmişdi. Mükafatın K-pop, J-pop və C-pop ifaçılarına veriləcəyi vurğulanırdı.

Qeyd edək ki, "BTS" 2018-ci ildə altıncı studiya albomu olan "Love Yourself: Tear" ilə ABŞ-ın albomlar çartına başçılıq edən ilk K-pop qrupu olub. 2024-cü ilin fevralında isə kollektiv "Spotify" musiqi platformasında ən çox dinlənilən qrup ünvanını qazanıb. "BTS" bir neçə dəfə müxtəlif kateqoriyalarda "Qremmi"yə namizəd göstərilsə də, heç vaxt bu mükafatı qazana bilməyib.

"BTS" qrupu nə vaxt yaranıb?

"BTS" (Bangtan Boys) — 2013-cü ildə Cənubi Koreyanın "Big Hit Entertainment" şirkəti tərəfindən yaradılmış məşhur K-pop qrupudur. Yeddi üzvdən (RM, Jin, Suga, J-Hope, Jimin, V və Jungkook) ibarət olan kollektiv qısa müddətdə qlobal fenomenə çevrilərək Cənubi Koreya mədəniyyətini bütün dünyada populyarlaşdırıb. Qrup "Dynamite", "Butter" və "Boy With Luv" kimi beynəlxalq hitləri ilə "Billboard" siyahılarında dəfələrlə zirvəyə yüksəlib və dünya üzrə "ARMY" adlanan milyonlarla pərəstişkar kütləsi toplayıb. Onlar həmçinin BMT-dəki çıxışları və gənclərə verdikləri müsbət sosial mesajları ilə də tanınırlar.

• Müəllif hekayədə niyə ağlaşma qurub? - Müzakirə
• Düşmənə hörmət, aliləşdirilən gündəlik həyat tablolarda... - Dieqo Velaskesin məşhur əsərləri
• “Cənnətin iqamətgahı” filminin treyleri hazırdır