Bizim indimiz yox, keçmişimiz yox - Günün şeiri

Rəbiqə Nazimqızı

Rəbiqə Nazimqızı

5 noyabr 2023
# 11:00

Bu gün şair Rəbiqə Nazimqızının doğum günüdür. Bu münasibətlə Kulis.az onun "Qızım üçün" şerini təqdim edir.

Qızım üçün

Qızım, paltarını yığ, yığış gedək,
daha buralarda bir işimiz yox.
Bizim indimiz yox, keçmişimiz yox,
bircə yolumuz var, o da gələcək.

Biz güclü deyilik, zəifik, zəif,
gələr üstümüzə daşla adamlar.
Baş aça bilmərik nə istəyirlər
Bu cavan adamlar, yaşlı adamlar.

- Hara gedəcəyik? – Burdan uzağa.
- Orda məktəb varmı? – Əlbəttə ki, var.
- Bəs, təzə evimiz, orda qalmayaq?
- Bizsiz də o evdə qalan tapılar.

Daha sual vermə, cavabım yoxdur,
hər gün əsəblərim itir bu yerdə...
Darıxma, nənənə zəng eləyərsən,
dayına bir məktub yazarsan hərdən.

Bəsdi sözə tutdun, vaxt yoxdu, quzum,
uzun yolumuz var – üzü qüruba.
Qırmızı kərpicdən evimiz olsa,
bir də şimal qışı, balaca soba.

Niyə geyinmirsən, gözləmirəmmi?
Deyirsən, qaranlıq düşübdü artıq?
Eybi yox, bu gün də qalası olduq,
Səhər paltarları yığışdırarıq.

# 3223 dəfə oxunub

Oxşar xəbərlər

Kimi alçaldıb Nigar xanım? Kimi təhqir edib? Xəstəsiniz? - Ömər Xəyyam

Kimi alçaldıb Nigar xanım? Kimi təhqir edib? Xəstəsiniz? - Ömər Xəyyam

18:40 2 aprel 2025
Hər çobanın əlinin altında alimlər işləyə bilər - Yalçın İslamzadə

Hər çobanın əlinin altında alimlər işləyə bilər - Yalçın İslamzadə

18:20 2 aprel 2025
Mirşahin Ağayev:  "Yığışdırın bu düşük boşboğazlığı!”

Mirşahin Ağayev: "Yığışdırın bu düşük boşboğazlığı!”

18:02 2 aprel 2025
Van Damm uşaq alverində ittiham olunur

Van Damm uşaq alverində ittiham olunur

17:20 2 aprel 2025
Stiven Spilberq dünyanın ən varlı məşhuru seçildi

Stiven Spilberq dünyanın ən varlı məşhuru seçildi

16:05 2 aprel 2025
Vətən satanları tanımaq üçün... - Allahyar Eyyuboğlu

Vətən satanları tanımaq üçün... - Allahyar Eyyuboğlu

15:30 2 aprel 2025
#
#
# # #