"Renessans" adlı dünya turu çərçivəsində İsveçin Stokholm şəhərində konsert verən Beyonsenin ölkədə inflyasiyanın artmasına səbəb olduğu iddia edilir.
Kulis.az xarici mediaya istinadən xəbər verir ki,"The Queen" ləqəbli pop musiqi sənətçisi Beyonse 7 ildən sonra dünya turuna çıxıb. Məşhur müğənninin "Renessans" adlı dünya turu çərçivəsində ilk dayanacağı İsveçin Stokholm şəhəri olub.
Uzun fasilədən sonra konsert verən məşhur müğənnini görmək üçün dünyanın hər yerindən pərəstişkarları İsveçə gəlib. Ancaq BBC-nin xəbərinə görə, müğənninin İsveçdəki konserti restoran qiymətlərinin artmasına və otellərə tələbatın çoxalmasına səbəb olub.
Qeyd edək ki, İsveçdə inflyasiya may ayında gözləntiləri aşaraq 9,7 faizə çatıb. Apreldə 10,5 faiz olan inflyasiyanın may ayında 9,4 faizə enəcəyi proqnozlaşdırılırdı. Otel və restoran qiymətlərindəki artımın inflyasiya rəqəminin gözləniləndən daha yüksək olmasına səbəb olduğu düşünülür.
Danske Bankdan Maykl Gran hadisəyə münasibət bildirərkən "Mən inflyasiyanın artmasına görə Beyonseni günahlandırmaq istəmirəm, lakin dünya turu və onu İsveçə görməyə gələn insanlar inflyasiyaya təsir etdi" deyib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər