Dünya şöhrətli alman yazar Vulf Dorn 10-cu Bakı Beynəlxalq Kitab Sərgisinin fəxri qonağı olacaq.

Kulis.az xəbər verir ki, həyatının 20 illini psixiatrik terapevt və klinik tədqiqatçı kimi işləmiş Vulf Dorn Almaniyanın psixoloji triller janrında yazan ən populyar yazıçısıdır.

Debüt əsəri olan “Psixiatr” ona böyük şöhrət qazandırıb. “Şizofrenik”, “Xain ürəyim”, “Oyunbaz” və “Fobiya” romanları qısa müddətdə beynəlxalq bestsellerə çevrilib. Hazırda Vulf Dorn dünyada ən çox oxunan müəlliflər siyahısına daxil edilib.

Vulf Dornun 2024-cü il 5 oktyabr tarixində saat 16:00-da və 6 oktyabr tarixində saat 15:00- da “Füzuli” təqdimat zonasında oxucularla görüşü və imza saatı olacaq.

Qeyd edək ki, 10-cu Bakı Beynəlxalq Kitab Sərgisi Mədəniyyət Nazirliyinin təşkilatçılığı ilə 2-8 oktyabr 2024-cü il tarixində Bakı Ekspo Mərkəzində keçiriləcək.

Sərgi dahi Azərbaycan şairi Məhəmməd Füzulinin 530 illiyinə həsr olunub. Ziyarətçilərin “Elmlər akademiyası”, “28 may” və “Koroğlu” metrostansiyalarından Bakı Ekspo Mərkəzinə xüsusi avtobuslar vasitəsilə ödənişsiz gediş-gəlişi təmin ediləcəkdir.

Sərginin iş vaxtı: 10:00-dan 20:00-dəkdir.

Sərgiyə giriş ödənişsizdir.

• Xalq artisti Fidan Hacıyeva: Anamın evini də satıb opera məktəbi yaratdım - MÜSAHİBƏ
• Azərbaycan milli pavilyonu “Ekspo 2025”də
• “Zəfər dastanı: Çanaqqaladan Qarabağa” adlı qala-konsert təşkil olunacaq