“Bəxtiyar” musiqili komediyası yenidən səhnədə

Media

Ana səhifə
Media

“Bəxtiyar” musiqili komediyası yenidən səhnədə

15 iyul 2022

17:40

İyulun 16-da Azərbaycan Dövlət Akademik Musiqili Teatrının səhnəsində “Bəxtiyar” musiqili komediyası növbəti dəfə nümayiş olunacaq.

Kulis.az xəbər verir ki, görkəmli bəstəkar Tofiq Quliyevin musiqiləri əsasında ilk dəfə səhnəyə qoyulan bu tamaşa Akademik Musiqili Teatrın baş rejissoru Cavid İmamverdiyevin quruluşunda səhnələşdirilib. Tofiq Quliyevin 105 illiyinə həsr olunan bu səhnə əsəri “Bəxtiyar” filminin motivləri əsasında hazırlanıb.

Tamaşanın quruluşçu dirijoru Əməkdar incəsənət xadimi Fəxrəddin Atayev, quruluşçu rəssamı Elşən Sərxanoğlu, xormeysteri Əməkdar artist Vaqif Məstanov, dirijoru Səməd Süleymanlı, konsertmeysteri Fidan Babayeva, rəqslərin quruluşçusu Elvira Əzizova, rejissor assistenti Zaur Əliyevdir.

Səhnə əsərində Xalq artistləri İlham Namiq Kamal, Fatma Mahmudova, Əməkdar artistlər Ələkbər Əliyev, Əkbər Əlizadə, Nahidə Orucova, Nadir Xasiyev, aktyorlar Şaban Cəfərov, Aydan Həsənova, Möylə Mirzəliyev, Səmədzadə Xasiyev, Hüseyn Əlili, Elnarə Nağdəliyeva, Hidayət Əliyev, Zaur Əliyev, Adelin Öztürk, Mehriban Rəcəbova, Cəbrayıl Cəbrayılov və başqaları iştirak edirlər.