Bakıda Özbəkistan yeməkləri festivalı keçirilir.

Kulis.az APA-ya istinadən xəbər verir ki, Özbəkistanın ölkəmizdəki səfirliyinin dəstəyi ilə təşkil edilən "Özbəkistan qida həftəsi" (Uzbekistan Food Week) adlı tədbirin final mərhələsinin açılış mərasimi keçirilib.

Tədbirin açılış mərasimində çıxış edən səfirliyin birinci katibi Bəhram Qaipov qardaş Azərbaycan və Özbəkistan xalqları arasında dostluğun daha da möhkəmləndirilməsi üçün mədəni tədbirlərin keçirilməsinin vacibliyini vurğulayıb.

Azərbaycan və Özbəkistan dövlət himnləri səsləndirilib.

Diplomat onu da qeyd edib ki, bu gün Özbəkistanda Dövlət Bayrağı Günü qeyd olunur və şübhəsiz ki, bu əlamətdar gün münasibətilə Bakıda da növbəti tədbirin təşkil edilməsi iki qardaş xalqın bir-birinə diqqətinin, sevgisinin təzahürüdür.

Tədbir çərçivəsində festival finalçılarının təqdim etdiyi özbək milli yeməkləri, şirniyyatları və digər təamlar təqdim olunub.

Turizm və Milli Mətbəxin İnkişafı İctimai Birliyinin həmtəsisçisi və sədri Fəxrəndə Həsənzadə tədbir barədə danışıb. O, tədbirin təşəbbüskarı olduğunu diqqətə çatdırıb və əlavə edib ki, festivalın keçirilməsi ənənə halını alıb.

• "Netflix"dən gələn zənglərə cavab vermək istəmir
• Qazaxıstanın tanınmış rejissoru Milli Dram Teatrında
• Əməliyyat zamanı ad günü keçirdi - Həkimlərimizin növbəti hoqqabazlığı