Soydaşımız Səlim Abbaszadənin çəkdiyi "Xarıbülbül" adlı rəsm əsəri dünyanın 185 ölkəsini təmsil edən gənc rəssamların əl işləri ilə birlikdə Oslo Beynəlxalq Uşaq İncəsənət Muzeyinin (The International Museum Of Children's Art's) daimi sərgi salonunda nümayiş olunur.
Kulis.az xəbər verir ki, muzeydə əsəri sərgilənən ilk azərbaycanlı gənc Səlim Abbaszadənin “Tıq-tıq xanım” adlı əsəri isə muzeyin arxivində daimi saxlanılacaq.
Səlim Abbaszadənin rəsmlərindəki rəngarəngliyin və təbiət ünsürlərinin obrazlı təsvirinin "soyuq şimal"a istilik, sülh, gözəllik və birlik bəxş edəcəyini bildirən Oslo Beynəlxalq Uşaq İncəsənət Muzeyinin direktoru Anqela Qoldin gələcəkdə də Səlim Abbaszadə ilə əməkdaşlıq edəcəklərini diqqətə çatdırıb.
Qeyd edək ki, 2023-cü ildə Oslo Beynəlxalq Uşaq İncəsənət Muzeyində Norveç Azərbaycan Gənclər Təşkilat (NAYO) və Nizami Gəncəvi adına Azərbaycan dili həftəsonu məktəbinin təşkilatçılığı ilə Səlim Abbaszadənin "Qarabağı gözəl gördüm" adlı ilk sərgisi keçirilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər