Azərbaycanda Oğuz rayonun dağ yəhudiləri ilə bağlı yeni sənədli filmin çəkilişlərinə başlanılıb.
Kulis.az-ın məlumatına görə, Azərbaycan və İsrail kinematoqrafçılarının birgə işi olan filmin ssenari müəllifi və rejissoru Rüfət Əsədov, filmin İsrail tərəfdən prodüseri hazırda İsraildə yaşayan, əslən Azərbaycandan olan tanınmış diaspor fəalı və şair Şaul Siman-Tovdur.
Filmin çəkilişləri Azərbaycanda və İsraildə aparılacaq.
Film Oğuz rayonunda məskunlaşmış dağ yəhudilərinin tarixi haqqındadır.
Rüfət Əsədovun dağ yəhudilərindən bəhs edən bu dəfəki ekran əsərinin qəhrəmanı İsraildə yaşayan, əslən Oğuz rayonundan olan həmvətənimiz ravvin Şmuel Simantovdur. Filmdə Oğuz rayonunda məskunlaşmış dağ yəhudilərinin tarixi, həyat tərzi Şmuel Simantovun dilndən nəql edilir.
Qeyd edək ki, ravvin Şmuel Simantov illərdir Azərbaycan həqiqətlərinin dünyaya çatdırılması istiqamətində yorulmadan çalışır.
Sözügedən film Rüfət Əsədovun dağ yəhudiləri ilə bağlı altıncı filmidir ( “Quba yəhudiləri”, “Kənddə sonuncu yəhudi”,”Peyğəmbər Yereminin göz yaşları”, “Əgər səni unutsam,Yerusəlim”,”Kənddə sonuncu yəhudi. 9 il sonra”).
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər