Azərbaycan Parisdə, UNESCO-nun iqamətgahında keçirilən Beynəlxalq Çay Günündə təmsil olunub.

Kulis.az xəbər verir ki, tədbirdə ölkəni Fransa-Azərbaycan Dialoqu Assosiasiyası və Toğrul Nərimanbəyov Assosiasiyası təmsil edib.

Stenddə Azərbaycan çayı, çay məhsulları, ölkəyə həsr olunmuş kitablar nümayiş olunub.

• On doqquz “ana”sı tapılan Arif Quliyev kimdir?
• İntihar, yoxsa qətl? - Elgünün əsl ölüm səbəbi
• IV Bakı Piano Festivalı keçiriləcək

Azərbaycan stendini müxtəlif ölkələrin diplomatları, jurnalistlər və digər qonaqlar ziyarət ediblər.

Tədbirdə Parisdə fəaliyyət göstərən Azərbaycan məktəbinin uşaqları milli geyimlərimizi nümayiş etdiriblər. Həmçinin Azərbaycan çayına, çay süfrəsi mədəniyyətinə həsr olunmuş videoçarx da nümayiş olunub.

Qeyd edək ki, ölkəmiz artıq ikinci ildir ki, bu beynəlxalq tədbirdə təmsil olunur.

Festivalda Qazaxıstan, Qırğızıstan, Çin Xalq Respublikası, İndoneziya, Şri-Lanka, Vyetnam və digər ölkələr təmsil olunublar.

• On doqquz “ana”sı tapılan Arif Quliyev kimdir?
• İntihar, yoxsa qətl? - Elgünün əsl ölüm səbəbi
• IV Bakı Piano Festivalı keçiriləcək