Kino ittifaqlarının Azərbaycan filminə heç bir töhfəsi yoxdur.
Kulis.az APA-ya istinadən xəbər verir ki, bunu Azərbaycan Respublikası Kinematoqrafçılar İttifaqının (ARKİ) katibi Ayaz Salayev deyib.
O bildirib ki, kinomuz pis vəziyyətdədir: “Bu, ortadadır və kino ittifaqlarının Azərbaycan kinosuna heç bir faydası yoxdur. İttifaqların birləşməsi fikri də tez-tez səslənir. Belə bir şey olarsa, mən üzvlükdən imtina edəcəyəm".
Kinoşünas Qarabağ mövzusunda çəkilən filmlərdən də danışıb: "Azərbaycanın 30 il ərzində Qarabağ mövzusuna həsr elədiyi filmləri Ermənistanın çəkdiyi filmlərdən qat-qat güclü və səmimidir. Deyə bilmərik ki, bu filmlər şah əsərdir, yox, amma onlardan daha demokratik və daha səmimidir. Bizim filmlərdə pasifist yanaşma da var, vətənpərvər yanaşma da. Yəni istər yanaşma baxımından, istər mövzu, istərsə də digər yönlərdə bizim filmlərimiz daha yaxşıdır".
Qeyd edək ki, Azərbaycan Kinematoqrafçılar İttifaqının sədri, Xalq artisti Rasim Balayev mətbuata açıqlamasında Azərbaycanda iki kino ittifaqına ehtiyac olmadığını bildirmiş, onların birləşdirilməsini təklif etmişdi.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər