Ay qonşu, bu evin yiyəsi hanı?! - Camal Yusifzadə

Ay qonşu, bu evin yiyəsi hanı?! - Camal Yusifzadə
17 oktyabr 2023
# 11:07

Kulis.az Camal Yusifzadənin "Ay qonşu, bu evin yiyəsi hanı?!" şeirini təqdim edir.

Uzaqdan, uzaqdan,
Çox-çox uzaqdan,
Darıxıb gəlmişəm, qaçıb gəlmişəm,
Ay qonşu, bu evin yiyəsi hanı?

Eyvanda çıxardım ayaqqabımı,
Açdım pəncərəni, açdım qapını,
Görmədim qonağı qarşılayanı...
Ay qonşu, bu evin yiyəsi hanı?

Yağış suvağını yuyur bu evin,
Külək şüşəsini döyür bu evin,
Sükut hay-küyünü qovur bu evin,
Zaman taxtasını ovur bu evin,
Ay qonşu, bu evin yiyəsi hanı?

Qapıda soyumuş bir əl yeri var,
Həyətdə qurumuş ayaq yeri var,
Alça ağacının sol tərəfində
Külü laxtalanmış ocaq yeri var,
Ay qonşu, bu evin yiyəsi hanı?

Uzaqdan gəlmişəm, ay ev yiyəsi,
Darıxıb gəlmişəm, uçub gəlmişəm,
Kül olub gəlmişəm, ay ev yiyəsi.

Hər dəfə,
hər dəfə, ay ev yiyəsi,

Qovrula-qovrula gəlib gedirəm,
Hər dəfə,
hər dəfə, ay ev yiyəsi,
Bu həyət-bacadan,
qonum-qonşudan

Soruşub gedirəm;
Ay qonşu, bu evin yiyəsi hanı?

# 1817 dəfə oxunub

Oxşar xəbərlər

"80 yaşında Xalq artisti adı kimə lazımdır?!" - Dərdlərini özü ilə aparan aktrisa

"80 yaşında Xalq artisti adı kimə lazımdır?!" - Dərdlərini özü ilə aparan aktrisa

17:36 28 noyabr 2025
“Qış yumurtası”  rekord qiymətə hərraca çıxarılır

“Qış yumurtası” rekord qiymətə hərraca çıxarılır

17:02 28 noyabr 2025
“Azərbaycan musiqi alətlərinin tacı tar”  kitabının təqdimatı keçirildi

“Azərbaycan musiqi alətlərinin tacı tar” kitabının təqdimatı keçirildi

16:00 28 noyabr 2025
İlk "Hörümçək-adam"  vəfat etdi

İlk "Hörümçək-adam" vəfat etdi

15:50 28 noyabr 2025
Mesopotomiyada qəbirlərdə başı kəsilmiş skeletler... - Qədim insanlar nədən qorxurdular?

Mesopotomiyada qəbirlərdə başı kəsilmiş skeletler... - Qədim insanlar nədən qorxurdular?

15:25 28 noyabr 2025
“Konstitusiya və Suverenliyin Zəfəri”  elektron informasiya resursu təqdim edildi

“Konstitusiya və Suverenliyin Zəfəri” elektron informasiya resursu təqdim edildi

15:03 28 noyabr 2025
#
#
Ana səhifə Yazarlar Bütün xəbərlər