APA televiziyası "Kəndimizə gedən yol" adlı mobil film müsabiqəsi elan edib.
Kulis.az xəbər verir ki, müsabiqədə filmlərin qəbulu 30 aprel - 31 may tarixlərini əhatə edir.
Müsabiqə APA Media Group və Azərbaycan Respublikasının Dövlət Turizm Agentliyinin dəstəyi ilə keçirilir.
Müsahibəyə təqdim ediləcək filmlər Azərbaycan ərazisində yalnız telefonla HD 1920/1080 formatında çəkilməli, müddəti 10 dəqiqədən çox olmamalıdır. Hər bir müəllif bir və ya bir neçə film göndərə bilər. Təqdim olunan filmlər 2020-2023-cü illər istehsalı olmalı, hər birinin sonunda müəllifin ad və soyadı mütləq qeyd edilməlidir.
Mümkün qədər musiqidən az istifadə edilməli, "Youtube"da müəllif hüququ tələb edən musiqilərdən istifadə olunmamalıdır. Filmlər daha çox təbii səslə ərsəyı gətirilməlidir. Kənd həyatı, təbiət mənzərələri, maraqlı insanlar və gündəlik işlər müsabiqənin əsas mövzusudur.
Mobil filmlər münsiflər heyəti tərəfindən verilən bal sistemi ilə hesablanaraq qaliblər müəyyən ediləcək.
3 film münsiflər heyətinin rəyi, 1 film isə onlayn səsvermə ilə yolu ilə seçiləcək.
Qaliblər qiymətli hədiyyələr və diplomlarla mükafatlandırılacaq.
Filmləri "Kəndimizə gedən yol" başlığı ilə [email protected] və ya 050 526 04 87 nömrəli “Telegram” ünvanına göndərmək mümkündür:
Hansısa sual yaranarsa, 050 526 04 87 nömrəsi ilə əlaqə saxlamaq xahiş olunur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər