"Antiqona" tamaşasının premyerası keçiriləcək

"Antiqona" tamaşasının premyerası keçiriləcək
9 dekabr 2023
# 11:40

Dekabrın 16-da və 17-də Azərbaycan Dövlət Gənc Tamaşaçılar Teatrında fransız dramaturqu Jan Anuyun “Antiqona” əsəri əsasında hazırlanan eyniadlı tamaşanın premyerası olacaq.

Teatrdan Kulis.az-a bildirilib ki, yeni yaradıcılıq işinin quruluşçu rejissoru Əməkdar artist Nofəl Vəliyev, rəssamı Telman Şıxıyev, bəstəkarı Röya Hüseynovadır. Plastik həll isə Ceyhun Dadaşova aiddir.

Səhnə əsərində Əməkdar artist Güşvər Şərifova, aktyorlar Kərəm Hadızadə, Aygün Fətullayeva, Anar Seyfullayev, Rəşad Səfərov, Əbdül Rzayev, Hilal Dəmirov, Şəbnəm Hüseynova, Könül Əbilova, Fəridə Qurbanova, Ramiq Nəsirov, İlhan Sadıqov, Nurlan Süleymanov, Ümman Budaqov iştirak edirlər.

Müəllifin 1943-cü ildə, II Dünya müharibəsinin qızğın çağında qələmə aldığı və indiyədək bir çox ölkələrdə tamaşaya qoyulan “Antiqona”nın mövzusu antik ədəbiyyatdan gəlsə də, bütün dövrlərlə səsləşən əsərdir.

Çar Edipin ölümündən sonra oğlanları Etokl və Polinik növbə ilə ölkəni idarə etməlidirlər. Etokl hökmranlıq müddətini başa vurur, amma hakimiyyəti qardaşı Polinika verməkdən imtina edir. Polinik öz tərəfdarlarını yığıb qiyam qaldırır. Hər iki qardaş döyüşdə həlak olur. Əmiləri Kreon çar elan olunur. Kreon Etoklı təntənə ilə dəfn etdirsə də, qiyamçı Polinikin cəsədini qurd-quşa yem olması üçün şəhər meydanının ortasına atır. Onu dəfn etməyə cəhd edən isə ölümə məhkum olunacaq. Bu cəhdi Polinikin kiçik bacısı Antiqona həyata keçirmək istəyir. O, keşikçilər tərəfindən tutularaq Kreonun yanına gətirilir. Kreon onu seçim qarşısında qoyur: ya ölümü qəbul etmək, ya da bu niyyətdən daşınıb sağ qalmaq.

Antiqona qardaşını dəfn etməklə ölümü seçir. O, seçimi ilə azadlığını bəyan edir. Müəllif bu əsərində dünyanın Antiqona kimi insanlara görə var olmasını vurğulayır.

# 1326 dəfə oxunub

Oxşar xəbərlər

Cəfər Cabbarlı mükafatının təqdimatı oldu

Cəfər Cabbarlı mükafatının təqdimatı oldu

18:40 17 oktyabr 2024
31 yaşlı müğənni faciəvi şəkildə dünyasını dəyişdi - Hoteldə...

31 yaşlı müğənni faciəvi şəkildə dünyasını dəyişdi - Hoteldə...

18:10 17 oktyabr 2024
 "Musiqi kimliyimiz"  layihəsi Aşıq Molla Cüməyə həsr olundu

"Musiqi kimliyimiz" layihəsi Aşıq Molla Cüməyə həsr olundu

17:40 17 oktyabr 2024
Tanınmış aparıcının Azərbaycandan çıxışına qadağa qoyuldu

Tanınmış aparıcının Azərbaycandan çıxışına qadağa qoyuldu

16:19 17 oktyabr 2024
AKİ Rasim Ocaqov adına təqaüdün növbəti namizədini açıqladı

AKİ Rasim Ocaqov adına təqaüdün növbəti namizədini açıqladı

15:22 17 oktyabr 2024
"Baku Jazz 2024"  festivalı başlayır

"Baku Jazz 2024" festivalı başlayır

15:14 17 oktyabr 2024
# # #