Özbəkistan Kinemaroqrafiya Agentliyində Anarın “Qarderobçu qadın” hekayəsi əsasında çəkilən “Palto” qısametrajlı filminin təqdimatı olub.
Kulis.az xəbər verir ki, “Debüt” Gənclər Kinofestivalı çərçivəsində baş tutan təqdimatda özbək kinosunun tanınmış ulduzları, gənc aktyorlar və rejissorlar iştirak edib.
Filmin ssenari müəllifi və rejissoru Şahnoza Tuyunova, operatoru Kamaliddin Ziyoviddinovdur.
Təqdimatda çıxış edən jurnalist və ssenarisi Rüstəm Cabbarov gənc rejissor Şahnoza Tuyunovanın filmini yüksək qiymətləndirib, belə filmlərin daha çox çəkilməsinin vacibliyinə toxunub. O hələ sabiq SSRİ dövründə Özbəkistanda Azərbaycan yazıçılarının əsərlərinə böyük maraq olduğunu bildirib. R.Cabbarov deyib ki, indi də Özbəkistanda Azərbaycan müəlliflərinin əsərləri çap edilir, bu əsərlər əsasında ssenarilər yazılır.
Şahnoza Tuyunova filmin yaradıcı heyətinə və təqdimata gələnlərə öz minnətdarlığını bildirib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər