Anam çətirli anaların sırasında dursun - Günün şeiri

Anam çətirli anaların sırasında dursun - Günün şeiri
13 noyabr 2023
# 14:00

Bu gün şair Fuad Cəfərlinin doğum günüdür.

Kulis.az şairi təbrik edir və "Günün şeiri" layihəsindən "Çətir" şeirini təqdim edir.

Bağışla məni, ana, bağışla,
Yenə payız küçəmizi salamladı yağışla.
Yenə mən sənə çətir ala bilmədim,
Bağışla məni, ana, bağışla.

Gec gəlib tez gedən fəsilə payız deyilir,
Çətir ala bilənlər çölündə,
Ala bilməyənlər hər yağış damcısında içində əyilir
Hər əyildikcə, "inşallah, gələn payız, gələn payız" deyir.

Mən bitdim, bu payızlarsa bitmədi...
Hər gələn payız, gələn payız dedim.
"Bu payız birtəhər keçir, ana,
Gələn payız çətir alaram",- dedim.

Ovuc boyda otaqda
Özümə də, sənə də dünya boyda ümid verdim.
Yenə yenildim, yenə evə çətirsiz gəldim.
Bağışla məni, ana, bağışla.

Sürətim yox qaçıb keçəm,
Qanadım yox uçub keçəm,
Nə olardı bir səfərində,
Payızların birini keçəm?!
Anama yaraşan, anamı qoruyan bir çətir seçəm.
Tutacağı anamın əlləri kimi yumşaq,
Dirəyi qüruru kimi möhkəm,
Örpəyi üzü kimi ağ olsun.
Və nəhayət, anam çətirli anaların sırasında dursun.
İnşallah, gələn payız, anam, gələn payız...

# 229 dəfə oxunub

Oxşar xəbərlər

O niyə ümmətçilikdən uzaqlaşmaq istəyirdi? - Faciələrlə keçən ömür

O niyə ümmətçilikdən uzaqlaşmaq istəyirdi? - Faciələrlə keçən ömür

17:00 2 dekabr 2023
Adil Kərimli "Nəsimi" filminin ikinci rejissorunu evində ziyarət etdi

Adil Kərimli "Nəsimi" filminin ikinci rejissorunu evində ziyarət etdi

16:44 2 dekabr 2023
Ülvi Qılınc:  “Aygün Kazımovanı diva hesab etməyə məcburam?”

Ülvi Qılınc: “Aygün Kazımovanı diva hesab etməyə məcburam?”

16:00 2 dekabr 2023
"Məmməd Arazın şeirlərini hamı əzbər bilir, ancaq kitabları satılmır" - Reportaj

"Məmməd Arazın şeirlərini hamı əzbər bilir, ancaq kitabları satılmır" - Reportaj

14:48 2 dekabr 2023
Məşhur cütlük boşandı

Məşhur cütlük boşandı

14:00 2 dekabr 2023
Gəncə Dövlət Flarmoniyası yeni layihəyə başladı

Gəncə Dövlət Flarmoniyası yeni layihəyə başladı

13:00 2 dekabr 2023
#
#
# # #