"İndi sosial şəbəkələrdə paylaşılan və adına veriliş, prank kimi şeylərə görə, 20 il əvvəl həkimlər adama obsessiv-kompulsiv pozuntu diaqnozu qoyurdular. İnsanın tanımadığı adamlara qarşı heç bir mənşəyi olmayan təhqir xarakterli sözlər işlətməyinin başqa adı yoxdur. Bəlkə, var, biz bilmirik, amma siz bilərsiniz, hörmətli Mədəniyyət Nazirliyi, Gənclər və İdman Nazirliyi. Çox maraqlıdır ki, bu qədər mədəniyyətsiz gənc harada və niyə yetişir?"

Kulis.az xəbər verir ki, bu sözləri aktyor Kamran Ağabalayev deyib.

Sənətçi sosial şəbəkədə yayılan videolardan bəhs edib. Mədəniyyət Nazirliyinə, Gənclər və İdman Nazirliyinə müraciət edən aktyor bu cür paylaşımların qarşısının alınmasını istəyib:

"Əslində, fərqli prizmalardan azərbaycanlıların 3 əsas ideoloji prinsipinə yanaşsaq, Avropa standartlarına görə, adamı məhkəməyə verərlər. İnanclı adamlar adama deyər ki, Allah sizə ağıl versin. Mentalitetlə yaşayanlar isə fikirləşər ki, bu, yaxşı şeydirsə, nə əcəb videolara öz əzizlərini çəkmir? Mən dediyimi dedim, bəs siz nə deyirsiniz?

Nə qədər ciddi yanaşacaqlarını görəcəyik, bir az da sizdən, bizdən asılıdır. Bu səpgili videolar çəkilsə, paylaşılsa, məncə, ciddi yanaşılar. Sizi də narahat edirsə, mənim evim qıraqdadır, deməyin, çəkin, etiraz edin, ən azından paylaşın".

• Stalin dilemma qarşısında və Atatürkün sükutu - Azər Turan
• Bu gün Su çərşənbəsidir
• "Səbəbkar Rəşad Dağlıdır" - Balaəli Namiq və Pərvizdən danışdı