Rejissor Aydın Arslanın “Aktyor” bədii filmi 29 avqust 2024-cü il tarixindən etibarən "Parkcinema" və "Cinemastercard" kinoteatr şəbəkələrində nümayiş olunacaq.
Kulis.az xəbər verir ki, “Aktyor” daha öncə bir neçə sənədli və bir qısametrajlı bədii film çəkmiş rejissorun ilk tammetrajlı ekran əsəridir.
“Ayarfilm” tərəfindən istehsal olunan filmin rejissoru və ssenari müəllifi Aydın Arslan, prodüserləri Mamed Qurbanov və Aydın Arslandır.
Filmin mövzusu milli-mənəvi dəyərlərə sadiq, mühafizəkar aktyor Fərhadın həyat hekayəsi üzərində qurulub. Fərhad 20 illik sənət dostuna görə onunla birgə teatrdan uzaqlaşıb.
Dram janrında olan filmin bəstəkarları İffət Əsgərov və Məhəmməd Sabiroğlu, operatoru Anar Dadaşovdur.
Filmdə əsas rolları Tural Əhməd, Səmimi Fərhad, Türkay Cəfərli, Könül Şahbazova, Manaf Dadaşov, Mamed Qurbanov, Elvin Əhmədov və Məhəmməd Verdizadə ifa edirlər. 16 yaşdan yuxarı tamaşaçılar üçün nəzərdə tutulmuş filmin xronometrajı 80 dəqiqədir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər