Noyabrın 28-də Azərbaycan Dövlət Pedaqoji Universitetinin Şəki filialında yazıçı-təcüməçi Əyyub Qiyasla tələbələrin görüşü keçirilib.
Kulis.az xəbər verir ki, görüşü AYB Şəki bölməsinin rəhbəri şair Vaqif Aslan açaraq qonaqları salamlayıb, yazıçının yaradıcılığı ilə bağlı tələbələrə məlumat verib. Daha sonra tədbiri aparmaq üçün söz Şəkidə yaşayan tanınmış şair və tərcüməçi Qoca Xalidə təqdim olunub.
Qoca Xalid Əyyub Qiyasın romanları, tərcümələri ilə bağlı ətraflı çıxış edib. Tədbirdə yazıçının qələm dostu, şair Ehtiram İlham, Şəkidə yaşayan gənc şair, AMEA Şəki Regional Elmi Mərkəzin kiçik elmi işçisi Tural Adışırin də iştirak edib, şeirlərini söyləyiblər.
Sonda Əyyub Qiyas dəvətə görə təhsil müəssisənin rəhbərliyinə, müəllim və tələbə kollektivinə, təbdirin təşkilatçısı, AMEA-nın Şəki Regioanl Elmi Mərkəzin "Folklorşünaslıq və el sənətləri şöbəsi"nin rəhbəri, ADPU Şəki filialının baş müəllimi Pakizə Zakirovaya xüsusi təşəkkürünü bildirərək, belə görüşlərin əhəmiyyətini vurğulayıb, tələbələrin suallarına cavab verib, yeni çapdan çıxmış “Ədəbiyyat üzrə Nobel mükafatçıları” antologiyasını avtoqrafla filialın kitabxanasına hədiyyə edib.
Tədbirin sonunda tələbələr qonaqlarla xatirə şəkilləri çəkdiriblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər