Kulis.az şair-yazıçı Sevinc Elsevərin Bakıdakı hazırlıq kursları ilə bağlı yazdığı yazını təqdim edir.

Övladının xarici universitetlərə imtahan verə bilməsi üçün son iki ili xeyli pul xərcləməlisən.

Varsa, təbii!

Ölkə daxilindəki imtahanı riskə atmamaq üçün gərək ölkədəki imtahana da hazırlaşa uşaq, xaricdəkinə də.

Ölkədə ən ucuz, həm də yaxşı kurslar 350 manata hazırlayır. Tanınmış ayrı-ayrı repetitorlarla bu qiymət ikiqata çıxa bilər.

Əgər xarici universitetlərə də imtahan verəcəksə, ən azı son bir ili SAT, IELTS, “CELT” kurslarına qatılmalıdır. Maraqlandım CELT-in ayına 400 manat dedilər. IELTS 150 manatdan başlayır.

Elə yer var orda IELTS 350 manatdır.

Sındi qol-qanadım yanıma düşdü!

Əvvəllər bir meyxana vardı:

Kasıbsansa, getməginən roddoma,
Get kənddən-kəsəkdən tapginən mama

Yerli imtahan üçün şəhər müəllimləriylə hazırlaşa bilməyən şagirdlər axın ediblər kəndlərə. Nə var oralarda repetitorların qiyməti ucuzdur.

Nəinki xaricdə...

Oralar hər adamın girdiyi kol deyil, ölkədə uşaq oxutmaq kasıb adamın işi deyil artıq.

Ümumiyyətlə, 10 ildən sonra Cəfər Cabbarlının qəhrəmanı Dilarə kimi uşaqları küçələrdə görəcəyik. Görürük çoxunu, özümüzə təsəlli veririk ki, qaraçı uşaqlarıdır.

Düzü, o söhbət də mənə çatmır. Qaraçı millətindən olan uşaq qaraçı olmağı özü seçməyib ki!

• Mircəfər Bağırovun ölümdən xilas etdiyi şair - İlk sərbəst şeirin müəllifi kimdir?
• Nobel mükafatlı Lyosa vəfat edib
• Pənah Rüstəm vəfat etdi