Yaşar Nurinin həyat yoldaşı: "İşə ehtiyacım var"

Media

Ana səhifə
Media

Yaşar Nurinin həyat yoldaşı: "İşə ehtiyacım var"

9 fevral 2021

14:08

“Yaşarın gözü pulda, qızılda olmayıb. Onun heç bir obyekti, mağazası yox idi”

Kulis.az xəbər verir ki, bu sözləri Xalq artisti Yaşar Nurinin həyat yoldaşı Rəhimə xanım qatıldığı “Elgizlə izlə” verilişində söyləyib. Maddi çətinlik içərisində olduğunu bildirən Rəhimə xanım hazırda işə ehtiyacı olduğunu deyib:

"Vəziyyət elədir ki, işləməyə ehtiyacım var. İş olsun işləyim, evimə gəlir gəlsin. Yaşar Nuri ilə 40 il ailəli olmuşuq, ona bir dəfə sual verə bilməzdim o kimdir və nəyin var? O, mənə demişdi ki, heç bir işimə qarışma. Mən də kar, lal, kor oldum. Onun xoşu gəlməyən heç nəyi etmirdim. Yaşarın gözü pulda, qızılda olmayıb. Onun heç bir obyekti, mağazası yox idi, ancaq sənət düşünürdü. Onun pulda, qızılda gözü olmayıb.

Dövlət ona beşotaqlı ev vermişdi. Yaşar Nuri xəstə olanda satdıq, müalicəsinə xərclədik. Türkiyədə müalicə üçün pul lazım idi. Sonra üçotaqlı evimizi satdıq, ikiotaqlı aldıq. Yaşamaq üçün bizə də pul lazım idi.”