Şuşada Vaqif Poeziya Günlərinin yenidən keçirilməsi nəinki tərcümeyi-halımızda, hətta taleyimizdə tarixi hadisədir. Erməni işğalı dövründə Şuşada dağıdılmış abidələr bu gün Azərbaycan Prezidenti İlham Əliyev tərəfindən bərpa etdirilib. Vaqif məqbərəsi yenidən ucalır.
Kulis.az xəbər verir ki, bu sözləri Xalq şairi Nəriman Həsənzadə deyib. Heydər Əliyevin təşəbbüsü ilə Şuşada inşa edilmiş Vaqif məqbərəsinin 1982-ci ildə keçirilmiş açılış mərasimində iştirakını xatırladan Nəriman Həsənzadə vaxtilə olduğu kimi, indi də Vaqif Poeziya Günlərinə Azərbaycanının görkəmli insanlarının gəldiyini vurğulayıb.
Nəriman Həsənzadə deyib: “Şuşa qədim tarixi, zəngin mədəniyyəti olan Azərbaycan şəhəridir. Şuşanın taleyi Azərbaycanın taleyi oldu. Prezident İlham Əliyevin “Qarabağ Azərbaycandır” fikri tarixi mahiyyət daşıyır. Azərbaycanın taleyi həll olundu. Torpaqlarımız işğaldan azad edildi”.
Prezident İlham Əliyevin Vaqif Poeziya Günlərinin açılış mərasimində çıxışı zamanı söylədiyi “Vaqif Poeziya Günləri keçirilərkən atamın 59 yaşı var idi. Bu gün mənim 59 yaşım var. Bəziləri hesab edə bilər ki, bu, təsadüfdür. Ancaq mən hesab edirəm ki, burada böyük rəmzi məna var, tarix təkrarlanır. Azərbaycan tarixinin qara səhifəsi artıq arxada qaldı və biz yenidən nəfəs almağa başlamışıq” fikirlərini xatırladan Nəriman Həsənzadə bu tədbirin hər bir azərbaycanlının taleyində mühüm hadisə olduğunu vurğulayıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər