Azərbaycan Prezidenti İlham Əliyevin rəhbərliyi ilə dövlətimizin qlobal təhlükə olan koronavirusa qarşı apardığı ümummilli mübarizə bütün cəmiyyətimizi həmrəy edib. Cəmiyyətin hər bir təbəqəsi bu təhlükənin tezliklə aradan qaldırılması üçün Prezidentimiz, dövlətimiz tərəfindən bütün imkanların səfərbər edilməsini, Birinci vitse-prezident Mehriban Əliyevanın qayğıkeşliklə xalqımıza ünvanladığı müraciəti yüksək qiymətləndirir.

Kulis.az xəbər verir ki, bu sözləri tanınmış rəssam, görkəmli Xalq rəssamı Vəcihə Səmədovanın nəvəsi Aqşin Mir Feyzullazadə deyib.

O qeyd edib ki, bu istiqamətdə ölkənin mədəniyyət və incəsənət xadimləri, bir sözlə, dövlətimizin qayğısından yararlanan idmançılarımız və digər ziyalılarımız preventiv addımların atılması və mübarizə tədbirlərinin gücləndirilməsi məqsədilə Azərbaycan Respublikası Prezidentinin Fərmanı ilə yaradılan Koronavirusla Mübarizəyə Dəstək Fonduna köməklik göstərməlidirlər.

Aqşin Feyzullayev vurğulayıb ki, o, bu təşəbbüsə qoşularaq nənəsi, Xalq rəssamı Vəcihə Səmədovanın 30 min manat dəyərində bir rəsm əsərini Koronavirusla Mübarizəyə Dəstək Fonduna dəstək məqsədilə ianə edib.

Respublikanın peşəkar rəssamlarını bu nəcib təşəbbüsə qoşulmağa dəvət edən A.Feyzullayev belə bir gündə hər kəsin imkan daxilində dövlətimizin yanında olmasının labüdlüyünü vurğulayıb.

"Bu gün biz dövlətimizə dəstəyimizi ifadə edib, həmrəylik göstərməliyik. Prezident İlham Əliyev və Birinci vitse-prezident Mehriban xanım Əliyeva hər zaman vətəndaşlarımızın yanında olublar, onlara edilən müraciətləri dəyərləndirərək insanlarımıza köməklik göstəriblər. Bizim borcumuzdur ki, birliyimizi, həmrəyliyimizi bir daha nümayiş etdirək”, - deyə A.Mir Feyzullazadə söyləyib. /azertag.az/

• Misirin nüfuzlu qəzetində azərbaycanlı alimin müsahibəsi dərc olundu
• "Yaşıl dünya naminə həmrəylik ili”nə həsr olunmuş elektron məlumat bazası hazırlandı
• Cahid Camala həsr olunmuş bədii albomun təqdimatı keçirildi - Video