Xalq artisti Mənsum İbrahimov yetirməsi Əməkdar artist Təyyar Bayramovla birgə Ağdamın cəbhəyanı kəndlərində yaşayan 150 aztəminatlı ailəyə ərzaq yarımı edib.

Bu barədə məlumat verən Mənsum İbrahimov dünyada, o cümlədən ölkəmizdə yayılmış koronavirus pandemiyası səbəbindən hər kəsi dövlətimizin başçısının çağırışlarına dəstək olmağa dəvət edib. Bu gün hər kəsin dövlətin qayğısını hiss etdiyini söyləyən sənətkar deyib ki, Azərbaycan Prezidentinin aztəminatlı ailələrə yardımlar göstərilməsi ilə bağlı gördüyü işlər göz qabağındadır. Bu çətin günlərdə reallaşdırılan layihələr, həyata keçirilən tədbirlər, xüsusilə də işsiz insanlar üçün nəzərdə tutulan birdəfəlik ödəmələr bir daha göstərdi ki, Prezidentimiz hər bir Azərbaycan vətəndaşını düşünür və gücə-gündüz bu istiqamətdə təxirəsalınmaz işlər görür.

“Biz bu işdə dövlətimizə kömək etməliyik ki, dünyanı bürüyən bu bəladan üzüağ çıxaq. Pandemiyanın qarşısını almaq üçün tətbiq olunan karantin rejimi zamanı bu məsələyə xüsusi diqqət yetirmək lazımdır. Bu günlərdə hər kəs bacardığı yaxşılığı edir, insanlıq nümunələri göstərir. Allaha şükür ki, xalqımız hər zaman əl tutmağı bacarır, hər kəs bacardığı qədər yardım göstərir. Biz bir daha birlikdə güclü olduğumuzu nümayiş etdirdik”.

Xalq artisti bu işdə ona dəstək verən hər kəsə minnətdarlığını bildirib.

• Səməd Vurğunun 120 illiyi qeyd olunacaq - Sərəncam
• "O, ilk Xalq şairimizdir ki..." - Nəriman Həsənzadədən nəyi öyrənmişik?
• "Kinematoqrafiya haqqında” Qanuna təklif edilən dəyişiklik təsdiqləndi