Son zamanlar fəaliyyətində ustad aşıqların yaradıcılığına, onların ifalarının lentə alınaraq daha geniş miqyasda yayılmasına və gənc sənətkarlar arasında təbliğinə böyük yer verən Azərbaycan Aşıqlar Birliyi tərəfindən növbəti audiodisk buraxılıb.
Azərbaycan Aşıqlar Birliyinin katibi, Əməkdar mədəniyyət işçisi Musa Nəbioğlu bildirib ki, bu audiodiskdə Əməkdar mədəniyyət işçisi, ustad aşıq Əkbərov Cəfərovun 30 ifası yer alıb. Diskin buraxılmasında əsas məqsəd ustadın irsinin qorunması olmaqla yanaşı, həm də aşıq sənətinin tədrisi ilə məşğul olan təhsil müəssisələrinə, sənətə gəlmək istəyən gənclərə və yeniyetmələrə kömək etməkdir ki, onlar özlərindən əvvəlki ustadların ifa tərzləri ilə daha yaxından tanış ola bilsinlər.
Xatırladaq ki, Əməkdar mədəniyyət işçisi, ustad aşıq Əkbər Cəfərov 1934-cü ildə anadan olub, 1990-cı ildə dünyasını dəyişib.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
