Xəbər verdiyimiz kimi sabah Şamaxı rayonunda yerləşən XIV əsrə aid Kələxana türbələrində Mingəçevir Dövlət Dram Teatrının səhnələşdirdiyi "Sara" adlı yeni tamaşanın premyerası baş tutacaq.

Kulis.az xəbər verir ki, "SARA" tamaşası şifahi xalq ədəbiyyatı nümunələrindən sayılan "Apardı sellər Saranı" xalq dastanının motivləri əsasında hazırlanıb. Tamaşada respublikanın xalq artisti Ella Yaqubova, əməkdar artist Şıxı Yaqubov, tərəqqi medallı Aydın Quliyev və teatrın gənc aktyorları iştirak edirlər.

Xatırladaq ki, sözügedən tamaşa Azərbaycanda ilk dəfə olaraq açıq havada tarixi abidələrin fonunda canlı dekorasiyadan istifadə edilərək nümayiş olunacaq. Aktyorlar tamaşanı məkan olaraq tarixi abidələr sayılan

Qeyd edək ki, tarixi abidələrinə, coğrafi şəraitinə, müasir infrastrukturuna görə qədim Şamaxı rayonu daima turistləri özünə cəlb edib. Kələxana türbələri Şamaxı turizm xəritəsinə daxil ediləŕək istər xarici, istərsə də yerli turistlər tərəfindən tez-tez ziyarət olunan məkanlardan hesab olunur.

Tamaşa hazırlanan zaman Nazirlər Kabineti yanında Operativ Qərərgahın xüsusi karantin rejimiylə bağlı bütün şərtlər və tələbləri nəzərə alınıb.

Premyera Dövlət televiziyası AZTV tərəfindən çəkilərək nümayiş olunacaq və çəkilişlər yüksək texnalogiyalar vasitəsiylə (ULTRA HD) lentə alınaraq qızıl fonda daxil ediləcək. Azərbaycanda ilk dəfə olaraq Mingəçevir Dövlət Dram teatrı premyeranı tam şəkildə də olmasa fraqmentlərlə internet üzərindən dünya premyerası edərək yeniliyə imza atmış olacaq. Ekskuliziv televiziya nümayişindən sonra "Sara" tamaşasının tam video variantı teatrın sosial şəbəkələrdəki səhifələri üzərindən yayımlanacaq.

Qeyd edək ki, tamaşanı Əməkdar incəsənət xadimi Bəhram Osmanov səhnələşdirib.

• "Musiqi insan ruhunu yer aləmindən göylərə yüksəldir" - Tanınmış bəstəkardan aforizmlər
• “Mənə liderliyi ələ alacaq kişi lazımdır” – Məşhur "Training season" necə yarandı?
• "Hər adamın sığınmağa bir qalası olsun gərək..." - Rəşad Məcidin şeirləri