Martın 17-də Tbilisidəki M.F.Axundov adına Azərbaycan Mədəniyyəti Mərkəzində Novruz bayramı münasibətilə tədbir keçirilib.
Kulis.az xəbər verir ki, tədbir Azərbaycanın Gürcüstandakı səfirliyinin və muzeyin birgə təşkilatçılığı ilə reallaşıb.
Azərbaycan mədəniyyətinin nümunələri və Novruz atributları ilə bəzədilmiş tədbirdə Gürcüstan Xarici İşlər Nazirliyinin, Barışıq və Vətəndaş Bərabərliyi məsələləri üzrə Dövlət Nazirliyinin yüksək vəzifəli şəxsləri, parlamentin deputatları, Tbilisi sakrebulunun vəzifəli şəxsləri, Türkiyənin, Türkmənistanın və digər ölkələrin Gürcüstandakı səfirləri, elm, ictimaiyyət, mədəniyyət xadimləri iştirak ediblər.
Muzeyin direktoru, Azərbaycanın Əməkdar mədəniyyət işçisi Leyla Əliyeva tədbiri açdıqdan sonra Novruz bayramına həsr olunmuş videoçarx nümayiş etdirilib.
Sonra Azərbaycanın Gürcüstandakı səfiri Faiq Quliyev çıxış edərək Novruz bayramının əhəmiyyəti və bayramın Azərbaycan və digər türkdilli xalqların həyatındakı rolundan danışıb.
Sonra Gürcüstan rəsmiləri və qonaqlar çıxış edərək Azərbaycan xalqını Novruz bayramı münasibətilə təbrik ediblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər