Türk Yeşilçam tarixində iz qoyan filmlərdən biri də "Canım Kardeşim” filmidir. 1973-cü ildə çəkilən filmin rejissoru Ertem Eğilmez, baş rollarında isə Tarık Akan, Halit Akçatepe, Adile Naşit, Metin Akpınar kimi məşhur aktyorlar yer almışdı. Hətta filmdə epizodik rolda olan Kemal Sunalın kariyerasında ilk filmlərindən biridir. Ertem Eğilmezi və bu heyyəti "Hababam Sinifi” başda olmaqla əyləncəli, komediya filmlərindən xatırlayırıq.

Bəs nə baş verdi ki, rejissor Ertem Eğilmez türk kino tarixinin ən dramatik filmlərindən birini çəkməyə qərar verir?

1972-ci ildə Ertem Eğilmez, Filiz Akın, Tarık Akanın baş rollarını paylaşdığı "Tatlı dilim” adlı filmi çəkməkdədir.

Çəkiliş fasiləsində Tarık Akan, Ertemə "Qardaş, həmişə çox yaxşı rejissor olduğunu deyirsən, amma heç bir mükafat qazana bilməmisən” deyir.

Ertem Eğilmezin cavabı: "İstəsəm bundan sonrakı filmimdə mükafat qazanaram. Amma mən o tərz filmlər çəkmək istəmirəm.”

Nə var ki, Ertem Eğilmez, Tarık Akanın bu sözlərindən incimişdi. "Tatlı Dilim” filminin çəkilişlərindən sonra Tarık Akanı ofisinə çağırır və ona deyir:

"Bir film çəkəcəm. Elə bir film olacaq ki, bir neçə mükafat qazanacaq. Sən də baş rolda olacaqsan. Bundan sonra o tərzdə film çəkməyəcəm. Sırf sənə mükafat ala biləcəyimi göstərmək üçün o filmi çəkəcəm.”

Qısa bir müddət sonra da Tarık Akan, Halit Akçatepe və Kahraman Kralın baş rollarını paylaşdığı "Canım Kardeşim”in çəkilişləri başlanır.

Bir neçə məşhur komediya filmlərinin ssenarisini də yazmış olan Sadık Şendilin qələmə aldığı dramatik ssenarinin heç bir yerini dəyişmədən olduğu kimi çəkir.

Filmin mövzusu: Muradın xərçəng xəstəsi olan qardaşının ən çox istədi şey evlərində televizorun olmasıdır.

Yoxsulluğun dibini yaşayan Murad və yaxın dostu Halit, uşağın bu arzusunu yerinə yetirmək üçün mübarizə aparırlar.

Bu film eynən Ertem Eğilmezin dediyi kimi "Altın Koza Film Festivalı”nda "Ən Yaxşı Rejissor Mükafatı” qazanmışdır.

Və yenə söylədiyi kimi bu filmdən sonra bir daha dram filmi çəkmir.

• Şüşə qablar, sənaye qalıqları və gündəlik əşyalar... - Parisdə qeyri-adi sərgi
• "Qal, sənə qurban" xalq mahnısıdır, yoxsa... - TARİXÇƏ
• Xalq artisti Zaur Rzayevin vəziyyəti ağırdır