6-cı muğam televiziya müsabiqəsinin “Qran-Pri” mükafatçısı, AzTV-nin və Beynəlxalq Muğam Mərkəzinin solisti, gənc xanəndə Almaxanım Əhmədli Qüdsdə solo konsert verib.

Kulis.az xəbər verir ki, Qüds Milli Konservatoriyasının dəvəti ilə reallaşan tədbir elə konservatoriyanın konsert salonunda keçirilib.

• Gənc rejissorlar üçün sənədli film təlimləri
• Zərif və döyüşən poeziya - Tofiq Bayramın 90 illiyinə
• Flora Kərimovanın səsi batdı

Xanəndəni gənc istedadlı tarzən Rəşad İbrahimovun rəhbərliyi ilə “Muğam” qrupu müşayiət edib. Almaxanımın ifa etdiyi muğam, təsnif və xalq mahnılarından ibarət 90 dəqiqəlik kompozisiya ərəb tamaşaçıları tərəfindən alqışlarla qarşılanıb. İstedadlı musiqiçilər Təbriz Yusifov (kamança), Aysu Sadıqova (kanon) və Elnur Əliyev (nağara) yüksək məharət və peşəkarlıqla milli musiqimizi təbliğ ediblər.

Almaxanım Əhmədli və “Muğam” qrupu Qüds Milli Konservatoriyasının fəxri fərmanı ilə təltif olunublar.

Qeyd edək ki, Almaxanım Əhmədli tanınmış şair Vüqar Əhmədin qızıdır.

• Gənc rejissorlar üçün sənədli film təlimləri
• Zərif və döyüşən poeziya - Tofiq Bayramın 90 illiyinə
• Flora Kərimovanın səsi batdı