“Hacı Zeynalabdin Tağıyevin heykəlinin açılışı Novruz bayramı günlərində olacaq. Bu vaxt hələ ki, dəyişməyib”.
Bunu APA-ya Hacı Zeynalabdin Tağıyevin heykəlinin hazırlanması ilə bağlı keçirilən açıq heykəltəraşlıq müsabiqəsinin qalibi, Xalq rəssamı Xanlar Əhmədov deyib.
X.Əhmədov yaxın günlərdə heykəlin tuncdan tökülməsi işlərinə başlanacağını bildirib: “Hələ ki, vaxtımız var. Elə böyük bir iş qalmayıb. Çalışacağıq ki, Novruz bayramına qədər heykəlin quraşdırılması yekunlaşsın”.
Qeyd edək ki, Heydər Əliyev Fondu, Mədəniyyət Nazirliyi və Bakı Şəhəri İcra Hakimiyyətinin Hacı Zeynalabdin Tağıyevin heykəlinin hazırlanması ilə bağlı keçirdiyi açıq heykəltəraşlıq müsabiqəsi başa çatıb. 26 layihə arasından Xanlar Əhmədovun layihəsi qalib seçilib. Heykəl "İçərişəhər" metrostansiyasının qarşısında quraşdırılacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər