Şərqşünaslıq İnstitutunda Azərbaycanın Qarabağda möhtəşəm zəfəri ilə bağlı toplantı keçirilib

Bu gün AMEA-nın akad. Z.M.Bünyadov adına Şərqşünaslıq İnstitutunda Azərbaycanın Qarabağ müharibəsində möhtəşəm zəfəri ilə bağlı toplantı keçirilib.

Kulis.az xəbər verir ki, toplantını institutun direktoru, akademik Gövhər Baxşəliyeva açaraq qələbə münasibəti ilə müəssisənin kollektivini təbrik edib. Azərbaycan Respublikasının Prezidenti cənab İlham Əliyevin titanik fəaliyyəti nəticəsində əldə edilən siyasi, diplomatik uğurların bu qələbəyə zəmin yaratdığını söyləyən G.Baxşəliyeva zəfərin Ali Baş Komandanın rəhbərliyi altında müzəffər Azərbaycan Ordusunun rəşadəti ilə qazanıldığını söyləyib.

Bu qələbənin Azərbaycan tarixinə qızıl hərflərlə yazılacağına əminliyini bildirən akademik mənfur düşmən tərəfindən viran qoyulan şəhər və kəndlərimizin dövlət başçısının rəhbərliyi altında Azərbaycan xalqı tərəfindən bərpa edilərək, Qarabağın yenidən çiçəklənən diyara çevriləcəyini deyib.

Qurumun direktor müavini, akademik Şahin Mustafayev isə bu zəfərin tarixi əhəmiyyətindən danışaraq, onun əldə edilməsində Ali Baş Komandanın siyasi iradəsinin və müzəffər ordumuzun rəşadətinin rolundan bəhs edib.

İnstitutun əməkdaşı, tarix üzrə elmlər doktoru Solmaz Rüstəmova-Tohidi bu qələbəni Azərbaycan xalqının tarixində baş verən hadisələr fonunda dəyərləndirərək öz mülahizələrini tədbir iştirakçılarının diqqətinə çatdırıb.

Tədbirin sonunda Şərqşünaslıq İnstitutunun kollektivinin Azərbaycan Respublikasının Prezidenti cənab İlham Əliyevə müraciəti qəbul edilib.

• Payızın 44 anı - Günel Anarqızı
• Muxtar Kazımoğlu: “Kamal Abdulla bu dastanın dünyada lazımi səviyyədə tanıdılmasına xüsusi fikir verir” – Müsahibə
• Devid Boui ilə Nina Simonenin virtual dueti - Tanınmış rejissorun səs sərgisində