Saitlər əsasdır, yoxsa samitlər?

Saitlər əsasdır, yoxsa samitlər?
23 sentyabr 2021
# 16:14

Kulis.az İmarət Cəlilqızının “Vokalizmlər və konsonantizmlər” yazısını təqdim edir.

Deyir:

- Səncə, saitlər əsasdır, yoxsa samitlər?

Deyirəm:

- İkisi də. Amma mənə qalsa, samitlər saitlərdən üstündür.

- Nəyə görə ki?

- Çünki samitlər, necə deyərlər, skeletdir, qəlibdir, saitlər isə o qəlibi dolduran.

- Nə təhər yəni?

Bax, tutaq ki, mən "a, a, a, a" desəm, sən nə dediyimi başa düşməyəcəksən. Amma

"m, d, q, s, k, r" desəm, bir az diqqət edib taparsan ki, bu, " Madaqaskar" sözüdür.

Bir neçə saniyə qəribə nəzərlərlə üzümə baxır, birdən gülüb deyir:

- Kefsən e sən!..

Dərhal etiraz edirəm:

- Xeyr. Mən kef-filan deyiləm, adamam. Adam isə kef ola bilməz, kefli ola bilər. "Kef" isimdir, əlamət bildirmir, “kefli” isə sifətdir, əlamət və ya keyfiyyət bildirir. "Keflı", yəni ...

O, əlini yelləyib bezmiş kimi ucadan səslənir:

- Aaaa!... Əl çək!..

Sonra ucadan şən-şən gülür. Reaksiya mənə ləzzət edir, məmnun halda və guya çoxbilən, ciddi və təşəxxüslü olduğum üçün mötəbər bir görkəmlə ağır-ağır başımı tərpədirəm.

Qoymadı ki, mühazirəmi bitirim, yoxsa "Ölülər"ə qədər gedib fənlərarası əlaqə də yaradacaqdım.

# 6561 dəfə oxunub

Oxşar xəbərlər

Tanınmış aktrisa xəstəxanaya yerləşdirildi

Tanınmış aktrisa xəstəxanaya yerləşdirildi

12:27 16 noyabr 2026
Həmid Herisçi:  "Şeir yazan çoxdur, şair isə gözə dəymir" - Müsahibə

Həmid Herisçi: "Şeir yazan çoxdur, şair isə gözə dəymir" - Müsahibə

12:00 16 noyabr 2026
Sindirellanın hekayəsi bu dəfə ögey bacıların gözündən

Sindirellanın hekayəsi bu dəfə ögey bacıların gözündən

11:57 16 noyabr 2026
Gənc Entoni Burdenn həyatından film: “Tony” bu həftə HBO Max-da yayımlanacaq

Gənc Entoni Burdenn həyatından film: “Tony” bu həftə HBO Max-da yayımlanacaq

11:28 16 noyabr 2026
Henri Kartye-Bresson Fondunun  mükafatı təqdim olundu

Henri Kartye-Bresson Fondunun mükafatı təqdim olundu

10:56 16 noyabr 2026
Azərbaycan filmi Haaqa Beynəlxalq Film Festivalının qalibi oldu

Azərbaycan filmi Haaqa Beynəlxalq Film Festivalının qalibi oldu

10:31 16 noyabr 2026
#
#
Ana səhifə Reels Yazarlar Xəbərlər