Rusiya mediasında 2020 Nobel ədəbi mükafatın surpriz qalibi amerikalı şair Luiza Qlükün bu mükafatı necə qazanması haqqında təhlil yazısı yer alıb.
Kulis.az xəbər verir ki, “Rassiyskaya qazeta”-nın yazarı Pavel Basinski Qlükə mükafatın "uyğun şeir intonasiyasına və fərdi təcrübəni universal bir təcrübəyə çevirə bilmə qabiliyyətinə görə" verildiyini yazır. Favoritlər arasında çox nəhəng yazıçıların olduğuna diqqət çəkən müəllif Luiza Qlükün adının rus oxucusuna eləcə də dünya oxucusuna məlum olmadığını, yalnız ABŞ-da çox sayda mükafat alan, 11 şeir toplusunun müəllifi olan bir şairə olduğunu vurğulayıb. Rusiyada Luizanın bir şair olaraq yalnız peşəkar şairlər və tərcüməçilər tərəfindən tanındığını qeyd edən müəllif şairənin geniş oxucu auditoriyası tərəfindən tanınmamasının onun zəif şairə olmasına işarə olmadığını da vurğulayıb. Pavel Basinski fikrini belə yekunlaşdırıb: “1901-ci ildə ədəbiyyatda ilk Nobel mükafatı alanın fransız şairi Sülli Prüdomun olması da maraqlıdır. Onun adı bu gün dəd ünyada məşhur deyil. Bu şair peşəkar ədəbiyyatşünaslardan başqa heç kimə məlum deyil”.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər