Ramiz Rövşən Qubadlıdan danışdı: "Belə tez alınacağını gözləmirdim” 

Ramiz Rövşən Qubadlıdan danışdı: "Belə tez alınacağını gözləmirdim” 
26 oktyabr 2020
# 10:30

“İşğaldan azad olunan bütün torpaqlar bizim üçün əzizdir. Qubadlının da azad olunması təkcə qubadlıların bayramı deyil.”

Bu sözləri Asan Radioya müsahibəsində əslən Qubadlıdan olan Xalq şairi Ramiz Rövşən söyləyib. O, daha sonra əlavə edib:

“Amma elə bilirəm ki, o torpaqlarda əzizlərinin məzarı olan insanlar üçün o torpaqların azad olunması başqa bir sevincdir. Bu həm də bir təskinlikdir ki o yerləri görəcəklər. Bu gün təkcə o torpaqlarda uyuyan ata-babaların ruhları sevinmir, həm də o torpaqlar uğrunda canını fəda edən şəhidlərimizin, o cümlədən Əliyar Əliyevin, Qubadlı uğrunda döyüşlərdə şəhid olan Milli Qəhrəman Şükür Həmidovun da ruhu sevinir.

Şair daha sonra xəbəri gözləməsindən söz açıb:

“Xəbəri gözləyirdim. Avqustun 31-i Qubadlının işğal olunmasının 27-ci il dönümündə İctimai Televiziyada danışdım və dedim ki, inanıram Qubadlıya dönəcəyimə. Amma belə tez olacağını gözləmirdim. Bu gün Azərbaycan ordusunun sürəti bizim arzularımızın sürətindən daha itidir. Bu bir xalq, millət kimi bizim böyük xoşbəxtliyimizdir.”

R.Rövşən müsahibəsinə bu sözlərlə son verib:

“Çox insan o torpaqların həsrəti ilə dünyadan köç etdilər. Nə yaxşı ki, bizim nəsildən o torpaqları həsrətlə gözləyən yaşlı insanlardan həyatda qalanı var və o yerləri yenidən görəcək. Onlardan biri də mənəm. Mən Bakıda doğulmağıma baxmayaraq hər il yay tətillərində Qubadlıya gedirdim. Qubadlı deyəndə ilk ağlıma gələn Bərgüşad çayı və Sərt dağıdır. O dağın başından baxanda Şuşa görünür. Mən əminəm ki, biz tezliklə yenidən o dağın başından Şuşaya, Şuşadan da Sərt dağına baxacağıq. Mən də nəvələrimi yaydan-yaya yox, ilin bütün fəsillərində Qubadlıya aparacağam.”

# 2338 dəfə oxunub

Oxşar xəbərlər

3 yaşlı qardaşını 6 yaşlı qardaşına tapşırdı - KimsəBizlər

3 yaşlı qardaşını 6 yaşlı qardaşına tapşırdı - KimsəBizlər

16:28 26 aprel 2025
Əli Mirəliyev reanimasiyaya yerləşdirildi

Əli Mirəliyev reanimasiyaya yerləşdirildi

14:34 26 aprel 2025
Napoleonun şəxsi qılıncı hərraca çıxarıldı - FOTO

Napoleonun şəxsi qılıncı hərraca çıxarıldı - FOTO

13:00 26 aprel 2025
Britaniya şahzadəsini zorlamada ittiham edən qadın özünü öldürdü

Britaniya şahzadəsini zorlamada ittiham edən qadın özünü öldürdü

11:41 26 aprel 2025
Azərbaycanlıları öldürən m*rc oyunları – Bu “killeri” kimlər göndərib?

Azərbaycanlıları öldürən m*rc oyunları – Bu “killeri” kimlər göndərib?

11:00 26 aprel 2025
Azərbaycan milli mətbuatının 150 illik yubileyi keçiriləcək - Sərəncam

Azərbaycan milli mətbuatının 150 illik yubileyi keçiriləcək - Sərəncam

17:49 25 aprel 2025
# # #