Xalq artisti Məleykə Əsədovanın müharibə ilə bağlı Kulis.az-a yazdığı qısa təəssürat yazısını təqdim edir.

Bizim torpaqlarımızın işğaldan azad olma xəbərini eşidəndə sevincimin həddi-hüdudu olmur. Sevincdən, inanın Allaha, gözlərim yasarır.

Əvvəldən mən inanırdım ki, bizim Prezidentimizin ağıllı və uzaqgörən siyasəti nəticəsində torpaqlarımız işğaldan azad ediləcək. Və ən əsası, yüksək təlim keçmiş Qüdrətli Ordumuzun igidliyi nəticəsində torpaqlarımız işğaldan azad edilir!

Azərbaycanın mərd, igid oğulları var!

Bu torpaq yalnız belə oğullar yetişdirər.

Allah əsgərlərimizi qorusun!

Hər gün dualar edirəm ki, Qələbə xəbəri ilə sağ-salamat evlərinə qayıtsınlar.

Allah Şəhidlərimizə rəhmət etsin…

Vətən üçün canından keçməyə hazır olan igidləri yalnız Azərbaycan torpağı yetişdirər, Azərbaycan qadını dünyaya gətirər.

Ali Baş Komandanımızın çıxışlarından, mərdliyindən, savadından, ağıllı siyasətindən Ordumuz güc alır, xalqımız ruhlanır.

Prezidentimiz tarixə imza atır!

Allah qorusun!

Xalqımızın birliyi məni çox sevindirir.

Allah Xalqımıza kömək olsun.

Qəlbimin sevincini saatlarla anlatsam, bitməz!

Mənim söylədiyim şeirlərdə Vətənimə, əsgərlərimizə, dövlətimizə olan sevgim, ürək sözlərim öz təcəssümünü tapır.

İnşallah, Qarabağda qələbə şeirləri oxuyacam.

Qarabağ Azərbaycandır!

Qarabağı işğaldan azad edən, şəhərlərimizdə bayrağımızı dalğalandıran əsgərlərimizin əllərindən öpürəm.

Ananızın südü, torpağın çörəyi, suyu Sizə halal olsun!

• Bürokratik cəhənnəm və absurd: Kafkanı oxumağa haradan başlamalıyıq?
• Bu gün Radio Günüdür
• İkram ilә sәcdә qılar altmış üç adam nәdәn? - Aşıq Alı