Prezident Xalq artisti Vidadi Həsənova ad günü münasibətilə 3 otaqlı mənzil hədiyyə edib.
Kulis.az xəbər verir ki, Xalq artisti dövlət tərəfindən layiq görüldüyü diqqətə görə təşəkkürünü bildirib:
"62 yaşımı haqladım. Ad günümdə səmimi, xoş arzular da oldu, maraqlı və dəyərli hədiyyələr də. Hamınıza təşəkkür edirəm. Dostlar, o gün, xüsusilə bir hədiyyənin mənə və ailəmə bəxş etdiyi sevinci sizinlə bölüşmək istəyirəm. Bilmirəm, bəlkə, təsadüf idi? Əlbəttə, təsadüf ola bilərdi. Bəlkə də, sadəcə, tarixlər üst-üstə düşmüşdü... Belə də ola bilərdi. Amma mən belə düşünmək istəmirəm. Bu, nə təsadüf idi, nə də tarixlərin üst-üstə düşməsi. Məncə bu, qayğıkeş rəhbərin, genişürəkli insanın hər bir ölkə vətəndaşına göstərdiyi diqqətin ibrətamiz nümunəsi idi.
Bu yaxınlarda məni Bakı Şəhər İcra Hakimiyyətinə çağırıb, sərancam təqdim etdilər: Həsənov Vidadi İsmayıl oğluna, Bakı şəhərində 3 otaqlı mənzil verilməsi ilə bağlı möhtərəm Prezident İlham Əliyevin sərancamı idi. Sərancamın tarixi isə - məhz 16.07.2020-ci il idi.
Möhtərəm Prezident, bu əlamətdar gündə mənə və ailəmə bəxş etdiyiniz sevincə görə sizə dərin təşəkkürümü bildirirəm".
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər