“Bu sadəcə olaraq, “Atatürkün dünyəviliyinə artıq hörmət etmirik” demək anlamına gəlir”

Kulis.az xəbər verir ki, bu sözləri ədəbiyyat üzrə Nobel mükafatçısı yazıçı Orhan Pamuk Ayasofyanın məscid olaraq yenidən ibadətə açılması ilə bağlı verdiyi açıqlamasında bildirib. O, Ayasofya haqqında verilən bu qərarla bağlı hisslərini belə ifadə edib:

“Türkiyə Cümhuriyyətinin qurucusu böyük Atatürk Ayasofyanı muzeyə çevirmişdi. Bunu niyə etmişdi? Müasir dünyaya, xüsusilə də qərb dünyasında Yunan Pravoslav memarlığının bu şah əsərini muzeyə çevirərək, “Biz türklər dünyəviyik. Fransız dünyəvilik anlayışını mənimsəyərək böyük Avropa mədəniyyətinin bir hissəsi olmaq istəyirik” demək istəmişdi. Aldığı qərar bu idi. İndi bu qərardan imtina edirlər.

Yazıçı “Ayasofyanı yenidən məscidə çevirmək qərarı sizin üçün nə anlamına gəlir?” sualına isə belə cavab verib:

“Bu, sadəcə olaraq, “Atatürkün dünyəviliyinə artıq hörmət etmirik” demək mənasına gəlir. “Populyar olmaq istəyirik, populist olmaq istəyirik” deyirlər. Dünyaya Qərbdən məmnun olmadıqlarını söyləyirlər. Bu mənim xoşuma gələn mesaj deyil. Buna tənqidi yanaşıram. Amma müxalifətin də buna qarşı çıxmaması məni təəccübləndirir. Niyə qarşı çıxmırlar? Çünki bunun çox populyar bir qərar olduğunu düşünürlər. Təəssüf ki, bu Türk xalqının mənimsədiyi populyar bir qərardır. Ayasofiyanın taleyini Türk xalq müəyyən etməlidir. Amma mən də bir Türkiyə Cümhuriyyəti vətəndaşıyam və milyonlarla dünyəvi vətəndaş kimi mən də buna qarşıyam. Amma təəssüflər olsun ki, səsimiz eşidilmir”.

• 13 yaşında atasını itirdi, 17 yaşında evləndi - Vısotskinin sevdiyi “Cadugər qadın” kim idi?
• Portuqaliyanın məşhur qorxu film festivalı başladı
• Kəndlərdən saraylara - Dünyanı özünə valeh edən rəqs hansıdır?