Nəsiminin 650 illiyi Rotterdamda qeyd edildi

Nəsiminin 650 illiyi Rotterdamda qeyd edildi
25 noyabr 2019
# 18:57

Beniluks Azərbaycanlıları Konqresinin (BAK) və onun nəzdində fəaliyyət göstərən Şimali Hollandiya Azərbaycanlıları Birliyinin təşkilatçılığı ilə Rotterdamda böyük Azərbaycan şairi İmadəddin Nəsiminin anadan olmasının 650 illiyi münasibətilə tədbir keçirilib.

BAK-ın sədri Elsevər Məmmədov tədbiri giriş sözü ilə açaraq İmadəddin Nəsiminin ümumbəşər mədəniyyətin qüdrətli söz ustadlarından biri olduğunu vurğulayıb. Nəsimi Şərqin zəngin mədəni-mənəvi sərvətləri üzərində ucalmış və bədii söz sənətinin son dərəcə qiymətli incilərini meydana gətirmişdir.

BAK-ın sədr müavini Sima Cəfərova bildirib ki, dünya poeziyasının ən kamil nümunələri sırasında diqqətəlayiq yer tutan Nəsimi əsərlərində daim insanın əzəmətini, insani məhəbbəti və şəxsiyyətin azadlığını tərənnüm etmişdir.

Tədbir iştirakçıları böyük şair haqqında fikirlərini bildirərək qeyd ediblər ki, İmadəddin Nəsiminin adı həqiqət naminə, fikir azadlığı yolunda qəhrəmanlığın rəmzi kimi əbədiləşib, əsrlərdən bəri Şərq xalqlarının yaddaşında yaşamaqdadır.

Tədbir bədii-musiqili hissə ilə davam edib. Bədii-musiqili hissədə Hollandiyada yaşayan Azərbaycan əsilli tanınmış musiqiçilər İlham Babayev, Sadiq Ağamaliyev və Cavid Səlimovun İmadəddin Nəsiminin qəzəli əsasında hazırladıqları musiqili kompozisiya iştirakçıların alqışları ilə qarşılanıb. /azertag.az/

Gallery

# 2163 dəfə oxunub

Oxşar xəbərlər

Krımın ən güclü qadını necə Sovet cəhənnəminə atıldı? - Bakının faciəli "qonağ"ı

Krımın ən güclü qadını necə Sovet cəhənnəminə atıldı? - Bakının faciəli "qonağ"ı

15:00 29 noyabr 2025
Bi­zi sonsuz xəyallara qərq edən qüvvə - Sərgərdan və məzəli həyatın sonu

Bi­zi sonsuz xəyallara qərq edən qüvvə - Sərgərdan və məzəli həyatın sonu

13:52 29 noyabr 2025
Mehriban Xanlarova işdən çıxarıldı

Mehriban Xanlarova işdən çıxarıldı

12:54 29 noyabr 2025
Rusiyada "Whatsapp"  bloklana bilər

Rusiyada "Whatsapp" bloklana bilər

11:40 29 noyabr 2025
Mənsum İbrahimov:  "O insanların işi boş dedi-qodudur"

Mənsum İbrahimov: "O insanların işi boş dedi-qodudur"

10:36 29 noyabr 2025
Dövlət Kamera Orkestrinə yeni dirijor təyin olundu

Dövlət Kamera Orkestrinə yeni dirijor təyin olundu

10:10 29 noyabr 2025
Ana səhifə Yazarlar Bütün xəbərlər