"Qalereya-1969” qalereyasının direktoru, Əməkdar mədəniyyət işçisi Elçin Aydın oğlu Orucov təsviri sənət sahəsində uzunmüddətli, səmərəli fəaliyyətinə görə, habelə 50 yaşının tamam olması münasibətilə Mədəniyyət Nazirliyinin Fəxri Fərmanı ilə təltif edilib.

Kulis.az-ın Nazirliyin saytına istinadən verdiyi xəbərə görə, Elçin Orucov 25 noyabr 1969-cu ildə Bakı şəhərində anadan olmuşdur. 1988-ci ildə Ə.Əzimzadə adına Dövlət Rəssamlıq Məktəbini, 1996-cı ildə Azərbaycan Dövlət Mədəniyyət və İncəsənət Universitetinin Rəssamlıq fakültəsini, 2004-cü ildə Mingəçevir Politexnik İnstitutunun Mühəndis iqtisadiyyatı və idarəetmə fakültəsini, 2007-ci ildə isə Azərbaycan Respublikasının Prezidenti yanında Dövlət İdarəçilik Akademiyasının Dövlət və bələdiyyə idarəetməsi fakültəsini bitirmişdir.

E.Orucov 1988-1990-cı illərdə Azərbaycan Rəssamlar İttifaqında Sərgilər şöbəsinin əməkdaşı, 1997-2000-ci illərdə S.Bəhlulzadə adına Sərgi Salonunun sərgilər şöbəsinin müdiri vəzifələrində çalışmış, 2000-ci ildə isə S.Bəhlulzadə adına Sərgi Salonunun direktoru vəzifəsinə təyin edilmişdir.

O, 2005-ci ildən Azərbaycan Rəssamlar İttifaqının üzvüdür.

Elçin Aydın oğlu Orucov Azərbaycan təsviri sənətinin inkişafındakı xidmətlərinə görə Azərbaycan Respublikası Prezidentinin 9 may 2012-ci il tarixli Sərəncamı ilə “Əməkdar mədəniyyət işçisi” fəxri adına layiq görülmüşdür.

Hazırda Elçin Orucov “Qalereya-1969” Məhdud Məsuliyyətli Cəmiyyətinin təsisçisi kimi milli təsviri sənətimizin təbliğinə yönəlik fəaliyyətlə məşğul olur.

• Beyazın verilişinin yayım günü dəyişdi
• "Səhərə qədər üstümə təcili yardım gəlib" - Kənan MM Orxan Saffari ilə qalmaqalından danışdı
• 9 yaşlı uşaqdan dünya rekordu