"Başqasının pulunu saymaq, iş prinsipini tənqid etmək ədəbdən deyil"

Kulis.az xəbər verir ki, bu fikirləri Murad Arif müğənnilərin qonorarının sosial şəbəkədə müzakirə mövzusuna çevrilməsinə etiraz olaraq bildirib:

“Camaat böyük heyətlə oturub strategiya cızır, plan qurur. Bilin ki, ilə yox-yox 3-4 video çıxaran, onu promo edən, azı 2-3 konsert verən müğənni, 250-300.000 azn pul xərcləyir. Hərdən ziyanımıza da işləyirik... Olur! Özüm (hələ mahnılarımı özüm yazaraq) 2014-2018 arası yazdırdığım, çəkdirdiyim bütün işlərə 240.000 azn xərcləmişəm bəlkə. Hər çıxartdığımız iş də müsbət nəticə vermir, pul geri gətirmir. Tutmayan nəğmələr də olur. Xüsusən ilk il risklə çalışdım. Şəxsən 2 il kirayədə yaşadım, amma mahnılarıma və arzularıma güvəndim...Məndən 3-5 qat artığını da Miri, Aygün, Tunzalə, Röya və daha bir neçəsi xərcləyir. Qonorarları müzakirə edəndə, bir bunu da deyin də... Niyə demirsiniz ki, bu adamların sayəsində bütöv bir sektor işləyir, yaşayır, dolanır?

Murad Arif başqalarının qonorarının müzakirəsini gündəmə gəlmək üçün rahat yol adlandırıb:

"Daha bəziləri kimi, o kanal sənin, bu kanal mənim, hər dəxilsiz mövzuyla, repetuarın, öz hitlərin olmadan, sənətə pul xərcləmədən gündəm olmağa nə var ki? Başqasının pulunu saymaq, iş prinsipini tənqid etmək ədəbdən deyil... Etməyin!”

Xatırladaq ki, bir neçə gün əvvəl meyxanaçı Samirənin efirdə Xalq artisti Miri Yusifin yarım saatlıq toy qonorarını açıqlaması və sənətçinin kasıb toylarda iştirak etmədiyini bildirməsi sosial şəbəkədə xeyli müzakirəyə səbəb olmuşdu.

• Məşhur küçə rəssamının əsəri hərraca çıxarılır
• Naməhrəm - Alpay Azərin yeni hekayəsi
• "Buker" mükafatının uzun siyahısı açıqlandı